› 選擇地區
三藩市
紐約
洛杉磯
其他美國地區
香港 台灣 北美
 
2002年08月17日

行超市:
Great西式超市鮮貨別具風格

平日去開嘅超市,貨品雖然齊備,但都比較大路,如果鍾意試新鮮產品,又或者係口味較西化嘅,都未必可以滿足到要求,所以今次就等我帶大家行行Great呢個大型西式超市,佢嘅貨源非常廣泛,而產品有易接受嘅口味,也有大膽新鮮的產品,讓大家可接觸到更新鮮嘅世界食品,有機會不妨逛逛。
記者:謝翠玲
攝影:楊錦文Model:Sarah
地點:GreatFoodHall(太古廣場LG1)

海鮮部
三文魚受歡迎
Great跟很多大型超市一樣,有一個售賣新鮮和冰鮮海產的海鮮部,但這裏售賣的除了部份本地魚,有更多是其他地方較難買到的海產,海鮮來源地也很廣泛,如歐洲、美國、加拿大,比較多的是澳洲的海產,因為較近海而品質不俗。而三文魚則是最受歡迎海產之一。
售價:
挪威三文魚魚扒
$24/100克
挪威三文魚魚柳
$30/100克

加拿大蟹肉質豐厚
這隻雪白非常又巨大嘅蟹係來自加拿大嘅叫Dungeners蟹,佢係一種肉蟹。呢種蟹係放喺魚缸養嘅,所以仍然好生猛。隻隻都好有份量,一隻差不多有成九百幾克重,認真唔講得笑。呢種蟹除咗肉多,而味道亦好清鮮,用牛油鹽水煮熟已好味道。
售價:$22/100克

南非孔雀鮑清蒸合適
一般的海鮮檔也有可能買到這種來自南非的孔雀鮮鮑,但要在超市找到卻應該不是易事。這種孔雀鮑比台灣鮑略大,殼上有個腰花形的部份泛藍光,都幾別致。而食法則通常也會用來原隻清蒸,肉質爽甜,可以一試。
售價:$54/100克

合時優質蔬果
Corella梨較少見
綠色嘅啤梨𠵱家喺果檔都有得賣,但呢隻帶啲紅色嘅Corella梨就唔係咁多地方有得賣。呢隻梨雖然價錢貴少少,但味道香,而肉質無啤梨咁腍,帶有少少爽,用嚟做沙律都唔錯。
售價:$13.9/個

加州水蜜桃特大Size
加州水果一向有好信譽,而今年尤以水蜜桃、桃駁李特別當造。以水蜜桃為例,今年多了很多像Model手上的特大水蜜桃,是平日的水蜜桃的兩倍大,真係食一個等於食兩個細水蜜桃。而食落清甜,果味都頗濃郁。
售價:$14.9/個(大)$6.5/個(細)

澳洲番茄品種多
根據唔同嘅時間,呢度都會入最當造嘅蔬果,最近就進口咗好多來自澳洲嘅番茄,品種都有成七、八種,但都有共同特色就係同樣飽滿鮮甜,用來生食便最能食出真味。其中以長身嘅RomaTomato茄味香又清甜,煮熟食同生食都啱。
售價:RomaTomato$29.9/盒

另類選擇
特別咖啡非一般享受
很多人也有飲咖啡提神的習慣,Great內除了一般不同口味來源地的咖啡外,還有一些比較「刺激」的選擇,例如是比普通咖啡含有高於2-2.5倍咖啡因的咖啡(圖左),要試的朋友要確保心臟強壯才好試!
而另一隻另類咖啡則考膽量,呢隻百多克要賣上七百幾蚊嘅果子狸咖啡(圖右)來自印尼蘇門答臘嘅咖啡園,據說當地咖啡園經常有果子狸出沒,牠們在吃過咖啡漿果後排出的咖啡種籽(咖啡豆)因為經過天然發醇,味道特別香醇,而由於收集量很少,每年只有五十公斤,所以份外矜貴。
售價:
CaffeineZip$99.2/包(250克)
果子狸咖啡 $750/包(113克)

健康食品
牛油果油可做沙律汁
質感似牛油的牛油果油營養豐富,有維他命E,而且對防止膽固醇積聚也很有幫助。除咗原個食用,都可以選擇呢隻以新鮮牛油果經冷凍壓榨技術提煉嘅牛油果油,食落味道清清的似橄欖油,可用嚟做沙律汁,而且牛油果油比同樣用來做沙律汁嘅初榨橄欖油更能承受高溫加熱,所以用嚟煮乜都得。
售價:$95/樽250ml

有機米餅脆薄有益
呢兩包都係用有機原材料製造嘅脆米餅。外國對標示「Organic(有機)」的產品都有嚴謹管制,需要有關協會證明才能使用,確保食物不含化學成份,可放心食用。呢兩隻米餅分別係牛奶朱古力同香濃朱古力味,餅薄而脆,很香口。
售價:$24/包(8塊)

花草餅乾天然香氣
呢兩罐包裝比較優雅嘅天然花草餅乾,係英國老牌子Harrods出品嘅,有兩種很受歡迎嘅口味,分別係玫瑰同薰衣草,兩者都係選用優質材料,連牛油也是用新鮮的,而薰衣草那隻是用天然薰衣草加入其中,咬入口有陣陣清香。
售價:$65/罐(150克)

有機走地雞雞蛋品質純淨
原來要養殖有機雞蛋嘅農場,係經過很嚴格嘅控制,要經成三至五年淨化,確保泥土無農藥同有化學成份等有毒物物質先至可以養雞。換言之,雞隻生活嘅環境不受污染,無毒素嘅雞蛋,食落肚都比較有益身體。所以貴點也有道理。
售價:$43.6/盒(6隻)

精挑細味 籽想好食,即like「籽想好食」FB專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載