› 選擇地區
三藩市
紐約
洛杉磯
其他美國地區
香港 台灣 北美
 
2002年08月19日

去黃埔買中藥兼進補

■中藥城內劃分成多個不同的部份,推拿、售賣各種藥材、駐診醫師樣樣齊,御膳館亦會代客買料煲各種的補湯或藥膳湯,但事前一定要同陳太見面先診症!

好多人鍾意自己買藥材煲湯,但如果不清楚藥性胡亂配搭的話,隨時未有理想效果之餘重可能有危險,所以最好都係搵專人指點。位於黃埔花園的中藥城便是一間有中醫駐店的大型中藥店,店內還設有一間提供各種藥膳小菜同補湯的食館,最適合一些想食得滋補又唔識煮的人!

記者:黃婉冰 攝影:黃子偉

人參仔蒸桂花魚$60
人參仔來自桂林,細細條但一樣甘,參仔要先蒸才能夠帶出參味,然後再放在魚面蒸熟,甘香人參味滲入魚肉,食完補氣兼滋陰養顏。

阿膠銀鱈魚$60
阿膠有補血、養陰、養顏、治腰痛作用,除燉湯外,用來炮製小菜同樣有效。阿膠味帶甘香,用來煮汁,淋在炸得香脆的銀鱈魚扒上,鋪上杞子,就成了一道既補身又創新的菜式。

君子好逑湯$35
呢款為男士度身訂做嘅補湯,聽個名就知係好嘢,用新鮮牛鞭、巴戟、杜仲、牛七、杞子、瘦肉等多種藥材燉上四個鐘頭,雖然黑黝黝,但有補腎壯陽同活血養顏作用。

店名:御膳館
電話:23638862
地址:黃埔花園第七期地下中藥城

精挑細味 籽想好食,即like「籽想好食」FB專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載