› 選擇地區
三藩市
紐約
洛杉磯
其他美國地區
香港 台灣 北美
 
2005年10月27日

菜肉魚之食住上:油浸4粒鐘鴨髀混醬沙律

古巴是加勒比海上最大的島國,至1902年取得獨立之前,四百多年來由法國和西班牙輪流統治。因此古巴的飲食或者是生活文化,都深受兩國的影響。今日請來古巴和西班牙型男來試試在蘇豪區新開的古巴菜,發覺原來佢哋最愛混醬食,咁先至夠惹味喎!
記者:梁學文
攝影:周旭文

甜味多嚟自水果味

古巴是一個亞熱帶的國家,當地人的口味是甜甜辣辣。正因為加勒比海盛產海鮮,所謂「靠山食山,靠水食水」,古巴人喜歡用海鮮做材料。古巴型男Jun說:「喺我家鄉好多人都鍾意用海鮮做材料,好多菜都用海鮮做。同埋我太婆曾被西班牙統治過,所以好多菜式都有些少當地風味,好似個海鮮湯咁,做法就有啲似西班牙菜喇!」除了喜歡用海鮮做材料外,熱帶水果都是古巴人常用的材料,菜式中的甜味多數是來自熱帶水果的。為了要保留傳統的口味,所以大部份材料均是入口貨。

好似返番古巴街頭

古巴每個家庭都有他們獨有的醬汁及獨門秘方。西班牙人Sam雖然不是古巴人,不過他曾到古巴居住,他說:「我喺古巴住過一排,去探我啲friend嗰陣我一定要試佢哋屋企做嗰啲醬,個個屋企都唔同,就算係同一款醬,都有唔同味道。佢哋啲醬汁多數都好spicy,但係好惹味。」這裏的外籍廚師Jamie,就嘗試跟住秘方做出不同的醬汁,他會用不同的醬汁配不同的食物。回看餐廳的裝修,Jun和Sam都同樣覺得,呢度好似返番古巴街頭,特別是門口的位置,用上白色的石柱,跟古巴當地沒兩樣。

古巴醬 5條A

(左至右)
Chipotle汁:
用來點三文治就最適合,有煙熏味。

麻油香料醬:
食雞同薯條點呢個醬都唔錯㗎!

麵包醬:
當然是用來點麵包,味道有些少辣帶鹹。

番茄青椒醬:
醒胃,吃沙律時就更相得益彰。

墨西哥紅椒醬:
最辣,跟肉類就最相襯。

木瓜鴨肉乾沙律$65
混咩醬:番茄青椒醬

古巴人喜歡做肉乾,做法有點似法式鴨髀。廚師先以鴨油浸鴨髀,浸4小時讓鴨髀入味,然後就拆肉起骨。鴨肉乾完成後就會混入木瓜粒和牛油果粒等,再淋上木瓜汁就完成。有很重的木瓜味道,鴨肉乾入口即化。

八爪魚薯餅沙律$72
混咩醬:番茄青椒醬

廚師先燒一燒八爪魚,然後加入白酒醋醃製,薯餅就加入來自古巴的雜菜一齊煎,加入雜菜入口較爽口。八爪魚用白酒醋醃過,酸酸哋好醒胃。

古巴扁三文治$78
混咩醬:Chipotle汁

古巴人吃三文治愛將它先壓扁,點一點醬汁然後放入口。這款三文治有煙肉、豬肉、芝士和青瓜等,吃時一定要點汁,會有一份煙熏味,不過醬汁都頗辣。

燒菠蘿豬扒$145
混咩醬:麻油香料醬

豬扒先用香草醃然後燒,豬扒的外皮香脆有香草味,伴以水果豬扒的肥膩感全消,最好連菠蘿一起吃,香草和鮮果味更好。

古巴燒春雞$160 
混咩醬:麻油香料醬

這款古巴燒春雞要先用香料醃一日,人客落單後才放入爐焗,上碟前廚師會再煮一煮醬汁淋上面,燒春雞入口有豐富的香料味道,番茄中會釀入古巴人愛吃的沙葛,好地道。

型男都話正

Havana(25459966)
地址:中環蘇豪伊利近街35號地下
營業時間:12:00nn-2:00am
座位:60個

精挑細味 籽想好食,即like「籽想好食」FB專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載