› 選擇地區
三藩市
紐約
洛杉磯
其他美國地區
香港 台灣 北美
 
2005年11月25日

紅桑子冧女計擱置

「嘩,血流成河好恐怖!」無見Ryran咁耐,把口依然無收,「呢啲係紅桑子嘅汁液嚟㗎,熟到跌晒落嚟,被人踩踩吓,踩咗塊紅地氈出嚟就真。」Ryran話我點解咁嘥料唔摘嚟食,於是一邊食一邊摘了一大袋回去,話要做CheeseCake。翌日,他真的拿着一個紅莓芝士蛋糕來,「估唔到你去了加拿大讀幾年書,連整CheeseCake都學埋返嚟。」「無法啦!喺外國朋友少娛樂少,惟有成日喺屋企整嘢食!」不過,兩星期後,當他再次來摘紅桑子,想整餅冧女的時候,已經被「紅耳鵯」捷足先登!這種頭頂紅色的雀仔,最鍾意食紅桑子,常在附近的一棵大樹守候,一看見桑子轉為紫紅色,便飛撲下來搶食,好彩棵桑樹「乸」隔20呎左右便有棵桑樹「公」,容易讓蜜蜂傳播花粉,讓它開花結果,所以雖然每年只有一次收成期,但在三、四月份的一個月繁殖期內,都有排食啦!只是他的溝女大行動被迫延期啫!
(四十八)

阿花

精挑細味 籽想好食,即like「籽想好食」FB專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載