› 選擇地區
三藩市
紐約
洛杉磯
其他美國地區
香港 台灣 北美
 
2005年12月29日

天天執牛屎

唔忿氣,再去請教師傅種菠菜心得,誰知剛巧碰到她拿着桶雞屎回來,有朋友養雞真好!「如果遲啲中央屠宰,就要轉移執牛屎了,可惜呢度冇人養牛。」原來唔係淨係雞屎至含氮磷鉀,所有草食性動物嘅糞便都有,含量最多的是羊屎,牛屎也不弱,難怪住新界的大嚿日日去執牛屎啦!「收集回來嘅屎,還要經過融解處理,可以溝水稀釋,存放一個月,融化後再溝水施肥;又或者直接放在泥土裏,再用泥完全覆蓋着,又係等一個月,當你翻開泥土,唔見晒啲屎便可以混合其他泥耕種了。」「如果係素食者嘅人屎,又得唔得呀?」「人嘅屎就唔得,尿就得,不過都係要溝水,大約1:20啦!否則會醃死啲植物㗎!唔好亂嚟!」其實,屎屎尿尿都係有啲怕怕,我成日邊摘邊食,萬一唔小心食到啲殘餘物資咪弊!都係食師傅種出嚟嘅算喇!睇唔到當唔知囉!
(六十三)

阿花

精挑細味 籽想好食,即like「籽想好食」FB專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載