› 選擇地區
三藩市
紐約
洛杉磯
其他美國地區
香港 台灣 北美
 
2015年10月04日

【哈囉喂嚟喇】五大嚇死你大餐 墓碑刻名大吉利是!

10月,又到全城猛鬼時分!香港海洋公園及迪士尼兩大主題樂園,今年也循例推出應節節目《海洋公園哈囉喂全日祭》及《迪士尼黑色世界──詭城玩失踪》,一個crossover喪屍片《The Walking Dead》大玩陰屍路,另一個就將樂園變身詭城,放出遊魂野鬼周圍嚇人,啱晒一班又要驚又要玩嘅大膽之士!不過,排長龍等玩鬼屋時,醫肚都好緊要,嚴選這兩個主題樂園推出的五大「嚇死你」Halloween大餐,實行由頭驚到落肚!
記者︰黃依情
攝影︰許先煜、陳永威

第五位︰
南瓜海鮮千層麵
一見到多啦A夢,當然知道呢款嘢食賣cutie多於恐怖!海洋公園今年crossover多啦A夢,推出哈囉喂套餐,多啦A夢化身魔鬼,加上科學怪人大雄,搞鬼又得意。(多啦A夢哈囉喂全日祭套餐 $388,於海洋公園海龍王餐廳及冰極餐廳供應)

第四位︰
血滴指濃湯
中國花碗盛着如血漿般的香茅番茄湯,加上兩條「手指」餅,夠晒恐怖!(海洋公園「盂蘭盛宴」主題套餐 $298,於海洋冰室供應)

第三位︰
神秘面具
迪士尼Halloween黑色世界,一向以卡通人物作賣點,驚嚇度有限,這款骷髏骨頭look、加紅桑子及藍莓扮眼的芒果黑糯米,可算是以精緻賣相取勝!$42 (迪士尼大冒險家餐廳 )

第二位︰
迪士尼萬聖節下午茶
由上至下、左至右,每一款小食及甜品,就連牛油,也是鬼怪或南瓜造型,誠意度十足。 $278起(香港迪士尼樂園酒店華特餐廳)

第一位︰孝子賢孫祭祖飯
驚嚇榜No.1,當然要選這款瑤柱醬海鮮炒飯。除了「山墳飯」上的兩塊「茄蛋符」外,食客還可於墓碑上寫字。唔怕「大吉利是」嘅話,不妨寫上自己個名。(海洋公園「盂蘭盛宴」主題套餐 $298,於海洋冰室供應)

精挑細味 籽想好食,即like「籽想好食」FB專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載