› 選擇地區
三藩市
紐約
洛杉磯
其他美國地區
香港 台灣 北美
 
2016年09月05日

【大學開學】高官藝人邊度畢業 大學生知唔知?

唞咗兩個幾月,各位大學生又要開學喇。呢排立法會選舉成為熱話,打開facebook全部都係選舉論壇,或者係宣傳短片。我哋就趁呢個機會,走入大學測試吓同學仔知唔知各界名人係出自邊間大學。我哋隨機揀咗十二位政界同演藝界名人,然後要求同學仔以配對的形式完成測試。七位同學接受,結果竟然冇人全中。即刻睇吓各間大學究竟有乜名人啦!

相關新聞:【大學開學】紙媒衰落?兩代傳媒學生又點睇?

香港大學

香港大學又叫藍血大學,自英殖時代已經盛產政府官員。今屆三司十二局嘅司長局長,就有一半都係港大畢業,包括林鄭月娥、袁國強、譚志源、張炳良、張建宗、高永文等。

中文大學

近期爆紅立法會候選人朱凱廸和支持同性平權的陳志全,都是中大的畢業生。不過咪以為中大學生都會支持社會運動同抗爭,事關梁美芬同陳茂波原來都係中大畢業,真係……唉……

相關新聞:【大學開學】連鎖店外的選擇!學生必訪大埔五小店

浸會大學

浸大的傳理系咁出名,自然出產唔少出名嘅記者同傳媒人,好似林超榮、麥潤壽、呂秉權、柳俊江、DJ朱薰等都係浸大出身。

理工大學

提到政界「名」人,當然唔可以唔講特首梁振英啦。佢1974年就係理工大學嘅前身香港工業學院完成測量學高級文憑,1997年仲成為理大嘅傑出校友,真係估佢唔到。不過提到理大,當然唔可以唔講設計系嘅名人,唔少插畫家,好似小克、麥家碧、Angryangry同Daryl Cheung就都係理工畢業。

城市大學

城大近年就多咗唔少演藝界名人,好似蕭正楠、薛凱琪、林一峰、陸浩明(陸浩)都係城大畢業。

科技大學

科大最出名就係工商管理,所以都出咗唔少商界名人,好似「小飛俠」林燕玲同俊和發展集團嘅董事會正副主席彭一庭、彭一邦等。

教育大學

教育大學今年終於正名,但原來師範時期已經有唔少名人在此畢業,包括世界衞生組織總幹事陳馮富珍和作家西西。近年最為人熟識嘅,就係演藝界名人,好似楊思琦同龍小菌等。

記者:黃映嫚
攝影:周芝瑩

精挑細味 籽想好食,即like「籽想好食」FB專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載