› 選擇地區
三藩市
紐約
洛杉磯
其他美國地區
香港 台灣 北美
 
2016年09月12日

【三娘試食】港日抹茶月餅激鬥 茶藝師食家點揀?

抹茶食品長做長有,不同品牌相繼推出抹茶月餅迎中秋,究竟它們的味道如何?記者找來三款分別來自日本著名茶店中村藤吉、由米芝蓮餐廳廚師主理的Valerie、主打高級中菜的禮賓傅的抹茶月餅,讓飲開靚茶的茶藝師容德如(Catherine)、梁藝桐(Family),以及日本飲食檢索網站駐港食評家山森靜香試食。

幾位對抹茶月餅有不同要求:

Catherine:「月餅個賣相同味道一樣咁緊要,夠靚先食得開心㗎嘛。另外,茶味一定要夠真,唔可以有太人工嘅味道。」
Family:「我睇呢三款月餅嘅時候,會睇吓茶同月餅係咪好夾,以及食完之後會唔會滯。」
山森靜香:「抹茶月餅個餡有冇應有嘅濃度、會唔會太甜,仲有茶嘅新鮮感都好重要。」

一、試食中村藤吉抹茶月餅

日本過江龍中村藤吉的茶類食物向來受歡迎,店方今年推出的「丸十月餅禮盒」更為香港獨家,連日本都沒有賣。禮盒內的月餅分「抹茶」及「抹茶甜薯」兩款口味,餡料用手採的抹茶原材料「碾茶」茶葉製作,十分矜貴。

評語
Catherine:「呢個由包裝到個月餅都係贏晒,非常靚。一入口,抹茶味係好濃郁,唔會滯。」
Family:「一打開,抹茶味非常香,食落亦有好濃郁嘅抹茶味,一啲都唔滯。另外,我好鍾意個月餅皮有啲厚度。」
山森靜香:「餡料嘅味道似抹茶,日本都有呢種感覺嘅和菓子,食落就好似食和菓子咁。」

二、試食Valerie迷你宇治抹茶月餅

Valerie一直標榜以優質抹茶粉製作抹茶產品,今次的「迷你宇治抹茶月餅」亦不例外。餅皮及餡料均用上京都宇治抹茶粉,甘香濃郁。八件裝禮盒更附送Harney & Sons伯爵茶及洋甘菊茶包,讓你一邊嘆茶,一邊食餅。

評語
Catherine:「賣相同包裝都係走可愛路線。茶味唔比中村藤吉弱,甚至仲多咗甘味。我覺得佢有少少癡牙,食住同朋友傾偈會成棚牙都係綠色。」
Family:「好鬆軟。顏色非常綠,以為佢會有好濃嘅綠茶味,結果食落奶皇味比較多。」
山森靜香:「個皮好薄,入面好多抹茶,仲好creamy。抹茶嘅濃度同creamy嘅餡料混合得好好,我好鍾意呢個月餅。」

三、試食禮賓傅月餅

一盒八件的禮賓傅月餅禮盒,有齊以抹茶奶黃作餡料的「迷你酥皮抹茶奶皇月餅」及以抹茶酥皮配上傳統奶黃餡料的「迷你抹茶酥皮奶皇月餅」,每款口味各4個。兩款月餅的抹茶酥皮及抹茶奶黃餡料,都以日本森半抹茶粉調配,森半在日本有170多年歷史,為當地獲最高評價的抹茶品牌之一。

評語
Catherine:「其實我平日食嘢唔係食到咁污糟,不過無辦法,呢個月餅真係一拎喺手就好易散。另外,唔係咁感受到抹茶味,但奶皇味係OK嘅。」
Family:「呢款月餅好有創意,因為佢將抹茶同奶皇夾埋一齊,做咗兩款唔同顏色嘅月餅。食落覺得有少少油膩,綠茶味都唔係好出。」
山森靜香:「包裝盒好可愛,未食嗰時非常期待。但實際食落,發現月餅本身比較硬身,一拎起就碎咗,喺屋企食都會有啲手忙腳亂,呢方面希望可以多多改善。」

經過三輪試食,中村藤吉獲兩位茶藝師正評支持,成為今次試食的冠軍,而Valerie就最得山森靜香歡心。無論如何,口味始終因人而異,大家不妨趁早買盒試試,睇睇邊款最啱心水!

中村藤吉
地址:尖沙嘴彌敦道132號美麗華商場3樓3005-9號舖
查詢:2156 1168

Valerie
地址:新蒲崗大有街32號泰力工業中心19樓1903室
查詢:3565 6765

禮賓傅
地址:中環安蘭街18號5樓
查詢:2564 3868

記者:李煒汯
攝影:徐振國、陳健邦

精挑細味 籽想好食,即like「籽想好食」FB專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載