› 選擇地區
三藩市
紐約
洛杉磯
其他美國地區
香港 台灣 北美
 
2016年10月20日

【任食災難】小籠包放題要逐隻嗌 翡翠拉麵道歉兼送錢

翡翠拉麵小籠包周二舉辦首場午市任點任食放題,大量食客光顧後在其facebook畀嬲。 設計圖片

翡翠拉麵小籠包旺角瓊華分店周二(18日)舉辦首場午市任點任食放題,事前公關功夫做足,講明不設walk in,告戒食客預先訂座,記者亦試圖訂座,但電話就打極都打唔通,最終店員透過facebook專頁告之預約已滿,並指可訂座時間已排到11月,看來想一試服務也十分困難。

訂得到,也未必好。有人光顧後在facebook專頁上投訴,包括限時兩個鐘得一兩樣嘢食、叫碟菜只得兩條、最有名的小籠包要逐隻嗌等等,總之就是覺得服務不周,唔滿意。不少食客更食到一肚氣,皆因只要限時到,無論你有沒有嘢食落肚,位位結賬盛惠$138與加一「服務費」。

又有食客不滿網上專頁對客人的回覆,一概是官腔機械式,只是不斷重複「您好,感謝您的意見,我們會向瓊華分店作出反映並作改進。」惹來大批網民畀嬲,大指回覆都畀啲誠意吖,全部都是「copy and paste」,有網民亦笑言:「我幫你覆啦!」更發起「#我幫你回」的活動。

翌日早上,翡翠拉麵小籠包在facebook發表道歉聲明,指會送贈$300現金禮券予曾惠顧的客人,以表誠意。本報即致電店方詢問有關跟進情況,公關回覆指,由於大部份客人以電話訂座,所以會以電話聯絡曾惠顧的顧客,並指其中兩枱客人未聯絡到。

$300現金禮券係咪真係咁着數?的確是每位客人$300,還適用於午市任點任食放題,但就不設找續退款。問題係,你咁叻可以再訂到午市放題嗎?放題暫定至11月底,如果一直訂不到,就要喺現金券限期2017年1月31日之前在正價消費時段光顧,先可以用到這個「補償」了。

至於食物份量方面,公關回覆指,當客人填寫數量「1」,會得到「半例」的份量,亦可以無限任點。

今次活動本來是慶祝翡翠15周年,但惹來一連串嬲嬲,令公司形象大打折扣,真係得不償失。

記者:吳業紅

精挑細味 籽想好食,即like「籽想好食」FB專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載