› 選擇地區
三藩市
紐約
洛杉磯
其他美國地區
香港 台灣 北美
 
2017年03月10日

【中環人龍店】唔准加單番茄麵店 「我哋好寸?唔使平反!」

歌賦街有兩間人龍店,一是牛腩店九記,老闆最近因打客以惡聞名,在對面以番茄麵聞名的大牌檔勝香園,據說亦不遑多讓。我們在網上食評見到,「阿姐好似精神分裂咁」、大大聲鬧「落乜呀!頭先都冇落!要乜快講!」、「侍應們全都有如患了躁狂症,夥計與夥計之間抓狂的大罵,都不算奇怪。」、「如果你點的東西來遲了,你去催;又或者久久都沒有人抹枱沒有人給你下單,你去問呢,他們還會罵客人呢!」

相關新聞:【慈雲山小店】長期請唔到人 老闆娘自責忙到脾氣差

為了一探虛實,我們進行實試,在午飯時段到達,這時客人最多,要自己搵位,一入去已見到,在爐頭附近的阿姐說:「你而家仲欠乜?講!呢個係牛肉蛋。」我們柯打時,再改單 ,阿姐態度正常,不過就堅持不肯加單。「冇得後加!麵包而家唔叫冇得後加,冇得後加麵包,唔好意思。」對面的客人想加單叫咖央脆,被阿姐多次拒絕,最後不得不託隔籬位食客先成功食到。「奶油脆脆仲未嚟,我追咗好耐,唔嚟我走喇!」有人催單,夥計態度正常,我們埋單時和阿姐講笑,她亦有笑容。

逾半世紀歷史的勝香園,番茄麵出名茄肉豐富,單計番茄粉麵的配搭經已有近40款,脆脆包亦受歡迎,繁忙時間要等至少20分鐘,不過負責人李愛蓮(Irene)就拒絕回應。「人哋會覺得我哋好寸,唔使幫我哋平反。」那食客又有甚麼意見?「佢哋客多嘅時候,可能態度唔係特登不好,但有時忙都冇辦法,可能感覺上有少少差。」來自韓國的客人說:「他們可能太忙,沒有太多時間照顧每一位客人,我們只想感受本土文化,我們無預計會有很好的服務,所以唔會介意。」有時撞到惡劣態度的夥計,可能都是不好彩吧!

勝香園
中環美輪街2號排檔

記者:何嘉茵
攝影:鄧鴻欣

2017果籽繼續認真知味。識買惜用。行以求知。好事多為。重修舊好。
緊貼果籽報道,即like: http://fb.me/AS.AppleDaily

精挑細味 籽想好食,即like「籽想好食」FB專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載