› 選擇地區
三藩市
紐約
洛杉磯
其他美國地區
香港 台灣 北美
 
2017年07月26日

【自封五星】平民價麻辣燙 70款配料$5起

荃灣區近日開了一間「奶滋LIN五星推介食堂」老巷麻辣燙,老闆石浩然(Don)與兩位拍檔指,一來是因為名字有趣,其次亦是一個對米芝蓮食肆的諷刺。Don:「外國你話畀人聽我係米芝蓮食肆,就會有好多客人來幫助生意,但好有趣嘅係唯獨香港,米芝蓮係一個詛咒,你去問每間食肆都會話我不想要米芝蓮,因為米芝蓮引申就係加租!」他們同指沒把米芝蓮放上心,相信做好自己的出品有麝自然香。

相關新聞:【睇心情開舖】麻辣燙小店老闆:唔想伙記返工似返地獄

小店以麻辣燙為主打,有近70款配料選擇。配料價錢親民,由5至8元不等,最低消費每碗26元。記者選了11款的配料滿滿一碗也只是62元,足2人份量,當中較特別的就是福州魚蛋,吃下去口感煙煙韌韌,內有爆漿的餡料。另外即炸的大腐皮是必食推介,吸湯汁一流。

湯底分兩款原味和麻辣湯,每天用上近20斤的新鮮豬骨熬製湯頭,而麻辣湯則加上20多款的配味粉製作,熬足7至8小時,並用上秘製的辣醬,吃下去湯頭麻香味十分濃郁。老闆指:「因為麻辣燙的材料係冇經過醃製,想保持個新鮮度,但冇醃過嘅食物煮落去係是冇味嘅,惟有在湯底上花點功夫。」除此之外,店舖還有數款重慶小食尖椒皮蛋和手拍青瓜,口水雞亦值得一試,原隻雞以慢火浸,吃下去雞皮爽脆入味。

現在店舖還有「開幕酬賓週」,9點半後68元任飲任食90分鐘,不過奉勸各位吃得完才叫,因為店舖標明浪費「斷兩計」。

老巷麻辣燙
荃灣享和街18號地下

記者:吳業紅
攝影:潘志恆

2017果籽繼續認真知味。識買惜用。行以求知。好事多為。重修舊好。
緊貼果籽報道,即like: http://fb.me/AS.AppleDaily

精挑細味 籽想好食,即like「籽想好食」FB專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載