› 選擇地區
三藩市
紐約
洛杉磯
其他美國地區
香港 台灣 北美
 
2017年07月26日

【睇心情開舖】麻辣燙小店老闆:唔想伙記返工似返地獄

荃灣小店「老巷麻辣燙」裝潢不多,只是由老闆石浩然(Don)和兩位夥伴幾個大男人隨心在牆身寫的大字和貼滿諷刺時弊的街招,寫的都是極具幽默感的字句,如「靚女露點免費」和「豪華劏房出租」等等。老闆還把餐牌寫成報紙「老味日報」,並反傳統決定將營業時間標寫為「睇心情開舖」。

相關新聞:【自封五星】平民價麻辣燙 70款配料$5起

究竟「睇心情開舖」如何實行呢?Don解釋:「其實原先是訂了一個時間,但開業後發現太辛苦,伙計都開始喊救命,所以不如轉變模式,前一日做得太辛苦,第二日就適量地延遲一點開舖。」所以不標明清楚營業時間的原因,是以免被客人責備,「其實都係戴頭盔啦,如果我寫明幾點開舖,我遲開舖會讓客人罵為何不開門,我遲收舖又會有人問為何還在營業,想給自己少少彈性。」他補充:「有時客人約三五知己,我都會容許他們坐多一陣子,我當晚開到凌晨兩三點的話,如果明早又照常開早,我的員工會覺得好辛苦,大叫救命!」Don十分介意員工的上班心態並一臉認真說:「如果員工上班好似來回地獄般就無謂喇,員工累了,結果翌日捱到要請病假,這麼辛苦其實是變相逼員工走。」

雖然老闆想人性化一點,但實行上都有一定的困難,Don指起初沒客都會早收舖,但一段時間後就發現原來這營業模式在香港難確切實行。他指:「睇心情開舖,爽就當然爽,無租金壓力當然可以這樣做,但業主是不會睇心情收租的,結果都要做到某一個營業額才可以收舖。」在近四萬租金壓力下,麻辣燙每碗只是$26起,每日需要賣200多碗才可收支平衡,所以老闆與員工達成共識,上班時間約在中午12點至晚上12時。老闆沒想過反應會如此好,短短兩星期就開始現人龍,由於小店座位有限,老闆表示現正考慮於8月中旬於同址附近開設較大的分店,好讓客人可以舒服地坐下來品嚐麻辣燙。

老巷麻辣燙
地址:荃灣享和街18號地下

記者:吳業紅
攝影:潘志恆

2017果籽繼續認真知味。識買惜用。行以求知。好事多為。重修舊好。
緊貼果籽報道,即like: http://fb.me/AS.AppleDaily

精挑細味 籽想好食,即like「籽想好食」FB專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載