› 選擇地區
三藩市
紐約
洛杉磯
其他美國地區
香港 台灣 北美
 
2002年10月19日

九龍城尋寶

要買家鄉食物,Pen姐最喜歡到九龍城城南道的昌發公司,因為那裏的貨物種類多而齊,由食物到日常用品以至泰文雜誌都有齊。

每星期幫襯一次
Pen姐同泰籍老闆娘最老友,皆因大家的丈夫都係香港人,話題特別多。老闆娘一見到Pen姐,就話要送盒剛由泰國運到港的綠豆糕畀佢食,跟住就雞啄唔斷以泰文交談,小記當然唔知佢哋講緊乜啦!

現成辣椒膏
煮泰式咖喱一定唔少得咖喱粉及辣椒膏,通常泰國人會自製辣椒膏,若貪方便的話,也可以在這裏買到,每盒8元。

至緊要新鮮
離開昌發,Pen姐就回到住所附近的鳳德街市繼續買材料。走到豬肉檔,Pen姐買了一斤豬腩肉、一串豬腸及一條豬橫脷,「買呢啲材料,最緊要新鮮,所以我會幫襯相熟嘅豬肉檔,佢哋唔會呃熟客嘛!」

同場加映:泰國大師化緣
採訪當日係星期天,Pen姐特意叫小記提早一點到達九龍城,原來每逢星期日早上8:30-9:30,住在香港的泰國和尚,都會到九龍城化緣,由南角道的泰國雜貨店開始,一直行到城南道。每星期,居港的泰籍善信,都會專程來到九龍城,買齊齋菜、花、米飯及水,等待大師到來,而昌發門外便是最多泰籍人士等候的地方,估計大約有40-50人左右!

精挑細味 籽想好食,即like「籽想好食」FB專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載