› 選擇地區
三藩市
紐約
洛杉磯
其他美國地區
香港 台灣 北美
 
2010年12月02日

是日放題1:萬子視帝中的視帝

今屆視帝視后屬誰,周日晚揭盅,縱然不過是無綫閉門一家親派糖,但《義海豪情》和《公主嫁到》兩劇人馬晒冷打擂台,比亞姐決賽更能成為你我茶餘飯後的話題。梁家傑角逐特首時曾說:有得揀,你至係老闆。若換個位置,讓視帝揀歷年來的心水視帝,你猜,寶座誰屬?

記者:蔡俊業 
攝影:林栢鈞、王文忠、梁細權
髮型:IvanLee@Headquarters(黎耀祥)、DYYu@HairCorner(黃浩然)
服裝:http://www.izzue.com(黎耀祥)
場地提供:LaVilla(27240707)

黃浩然戰績:

35歲,原為模特兒,13年前獲杜琪峰發掘入行,先後演出《十萬火急》等多套電影,07年加入無綫,今年憑《義海豪情》楊陽一角人氣急升,角逐最佳男配角。

由好驚到好享受

合上眼,幻想自己站在頒獎台,在鏡頭面前說出自己最喜歡的視帝名字,不設時限,黃浩然,你會點揀?「《新紮師兄》嘅梁朝偉同劉青雲,我覺得喺那個時期,甚至家,佢哋都係最top兩個!另外,要令自己做每套戲都畀到新鮮感觀眾其實好難,就算今日跟其他藝員相比,都好應該頒獎畀佢哋!」模特兒出身的浩然,當年被杜琪峰發掘入行,他以一副感嘆眼神望着祥仔:「你就話可參加訓練班,我就真係完全唔識,你都知杜生幾惡幾狠,所以初頭唔鍾意做,壓力好大好驚,一叫我埋位就諗:『唔好搵我啦!』後來拍《新紮師妹》時開始搵到演戲嘅樂趣同滿足感,去到拍《義海》時,就會好期待每日開工嘅時間,因可以同一班人共同做好一件事,好有滿足感。」在浩然眼中,演戲在乎學習過程,聽祥仔說他自己內向怕羞,浩然也不諱言自己是近年才主動跟別人溝通,「之前都好被動,去到TVB兩年先可以融入到!」

劇集全消毒

鮑偉聰說,現今的港劇完全脫離社會現實,一味和諧,像噴了消毒藥水,「越來越少社工的角色出現,沒有同性戀、新移民,也不談內地來港的暴發戶;睇完《義海》大結局,你係會嬲,完全避開國共,只係話我哋個政府(國)和新政府(共),我覺得好怪,點解要自我審查?內地劇都無呢個忌諱!咪就係抱住多一事不如少一事的心態去處理。」所以,要比較港劇是否變差,不應跟日、韓比,而是跟內地比,「一直以來時裝劇都係香港電視創作引以自傲,但《蝸居》一出,無論製作、劇本及演技都已經走得比香港電視劇快,呢個題材,香港連試都無試過!」添哥說,商營電視台,收視壓在頭上,創作人既要守好收視這天職,亦要力求突破,「唔使話樣樣差都賴個收視,收視唔係全部!」

同外國劇比唔公平

製作人是這樣看,參演的人態度又如何?田蕊妮自言是個劇迷,港劇美劇都有看,她認為今年好看的港劇不少,《公主嫁到》、《女王辦公室》、《天天天晴》甚至《談情說案》都是她的喜愛,「係唔係套套都咁好睇?我又夠膽講唔係,就算外國劇,我不知是否每套都好看,我自己唔係睇好多,好鍾意《Friends》同《PrisonBreak》,但《PrisonBreak》都只係頭一、兩季好睇,之後都係好重複,所以我覺得每個地方的劇集都有好與壞,類型也不同,要將外國劇和港劇比較其實不公平。」至於30多年前已為無綫拍劇的李司棋意見跟阿田相近,但就希望劇本方面可花多些工夫考究,尤其古裝劇,「真係要睇番當時的情景,唔好諗古裝美人會喺大街小巷買嘢同飲茶,唔係好講得過去,因為以前嘅女人唔出街,好多後生編劇都無諗到呢樣嘢!」

你係咪電視精?

如果你係超級電視精,以下的問題包保難你唔倒,否則,就表示你未能對歷年劇集有深刻印象,絕對稱不上電視迷。

九十前

(1)《家變》中,洛華(任達華飾)跟施正關係曖昧,施正由誰飾演?

(2)《網中人》哪位女主角突辭演,終由歐陽佩珊頂上?

(3)《山水有相逢》內,李司棋飾演梅妹,黃韻詩飾演誰?

(4)《香港八一》內,誰飾演順嫂(梁葆貞飾)長子?

(5)《香城浪子》中,潘曉彤(莊靜而飾)周旋於哪兩位男角之間?

(6)《天龍八部之六脈神劍》主題曲由誰唱?歌曲名是甚麼?

(7)《神雕俠侶》中劉德華演楊過,誰飾演郭芙?

(8)《鹿鼎記》中,梁朝偉演韋小寶,其7位老婆分別由商天娥、吳君如、毛舜筠、劉嘉玲、景黛音、周秀蘭及誰飾演?

(9)張學友和鄺美雲主唱的《只有情永在》,是哪套電視劇的主題曲?

(10)《季節》完場時,會出現甚麼東西跌進水中的畫面?

(11)《義不容情》中,丁有康(溫兆倫飾)在哪個國家殺死葉秀雲(蘇杏璇飾)?

(12)哪隊樂隊為《淘氣雙子星》唱主題曲?

(13)吳孟達在《蓋世豪俠》中分飾兩兄弟,弟弟叫古峰,不男不女的兄長叫甚麼?

九十後

(14)《又是寃家又聚頭》中,鄧萃雯是哪對夫妻之間的第三者?

(15)《天天天晴》中三位主角李司棋、黎耀祥、毛舜筠20年前已曾合作,是哪套處境劇?

(16)《卡拉屋企》內例湯一角由誰扮演?

(17)《大時代》其中一集只有3位藝員演出,是哪3位?

(18)丁蟹(鄭少秋飾)在《大時代》中,將4個仔推落樓的次序是?

(19)《火玫瑰》中,海潮(溫碧霞飾)遭喬歷(羅嘉良飾)出賣,被船家賣到哪兒?

(20)《大頭綠衣鬥殭屍》裏,黎耀祥飾演錢小豪師弟,其名字是甚麼?

(21)李大有(黃日華飾)在《馬場大亨》中,死前於車上看見甚麼?

(22)《原振俠》中,哪4位女星拱照主角黎明?

(23)《壹號皇庭IV》講述原為鄭秀文飾演的方家琪回港,這輯改由誰演?

(24)古天樂唯一主演過的處境劇叫甚麼?

(25)《西遊記》中豬八戒的十四字金句是?

(26)《O記實錄2》大結局中,方小芳(黎姿飾)因何身亡?

(27)當年黎耀祥在哪套劇叫「非凡」?

(28)《烈火雄心》駱天佑(王喜飾)和沈碧瑤(關詠荷飾)在哪間消防局駐守?

(29)《創世紀》中,葉榮添(羅嘉良飾)有多少兄弟姊妹?

答案

(1)駱應鈞
(2)繆騫人
(3)梅劍仙
(4)黎小田飾演的張鏗
(5)應子輝(湯鎮業飾)、韋樂(黃日華飾)
(6)關正傑、關菊英主唱的《兩忘煙水裡》
(7)廖安麗
(8)黃愷欣飾演蘇荃
(9)《賊公阿牛》
(10)玫瑰花
(11)馬來西亞
(12)《逝去日子》Beyond
(13)古艷陽
(14)毛舜筠、吳鎮宇
(15)《茶煲世家》
(16)余慕蓮
(17)鄭少秋、劉青雲及藍潔瑛
(18)丁益蟹(陶大宇)→丁利蟹(郭政鴻)→丁旺蟹(吳啟明)→丁孝蟹(邵仲衡)
(19)越柬邊境
(20)張南京
(21)名駒發夢王
(22)黃絹(李嘉欣飾)、海棠(王菲飾)、雲彩(朱茵飾)、藍綾(洪欣飾)
(23)彭子晴
(24)《餐餐有宋家》(1994年)
(25)「多情自古空餘恨,此恨綿綿無絕期」
(26)王志淙(黃日華飾)與吳國兆(陳榮峻飾)駁火時流彈誤中黎姿
(27)《反黑先鋒》(1999年)
(28)慈雲山消防局
(29)一弟一妹

精挑細味 籽想好食,即like「籽想好食」FB專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載