› 選擇地區
三藩市
紐約
洛杉磯
其他美國地區
香港 台灣 北美
 
2017年02月16日

【即時文摘】三聚氰胺奶粉(左丁山)

(蘋果日報)
建立時間 (HKT): 0216 00:02

在貿發局春茗中,貿發局主席羅康瑞輕鬆笑言飲奶粉比食薯片有益,唔想評論誰人可做特首。
羅康瑞係著名梁粉,佢比較奶粉與薯片之營養益處,畫公仔唔駛畫出腸,大家明白晒。問吓師奶仔N老師,佢個女兩歲半,個仔六個月大,湊仔湊女湊到一頭煙,究竟仔女鍾意薯片還是奶粉呢?師奶N話:「簡單到極,個仔細,搶住食奶粉,個女大啲,新年無意中俾佢在滿枱糖果小食之中,食咗蝦片薯片,依家弊咯,成日話要食,分分鐘問有無薯片。如果唔係咁,麥當勞對兒童有乜咁吸引力吖。嬰兒唔識世界,你餵佢乜就食乜,飲奶粉之嬰孩,飲六安士,八安士,話咁易,但稍為年紀大啲,懂得選擇,而父母又俾佢自由選擇嘅話,大細路以至大人一定鍾意食薯片多過飲奶粉。不過現在有啲中央大人當香港市民係一歲嬰兒,係要餵奶粉俾你,如羅康瑞等建制派,係鍾意有人餵佢地嘅,故此奶粉大受建制派歡迎,一啲都唔奇。」
汝曾被警告,薯片多吃無益,容易招惹喉嚨乾,喉嚨痛,最後形成熱咳,食薯片飲啤酒,或可收中和之效,或者飲烏龍茶呢類寒性飲品啦。飲奶粉又點,都有副作用嘅啫!大人飲奶粉,或引至腹瀉,視乎個人體質而定。嬰兒飲奶粉,更要有區別喎,CY之限奶令至今未撤銷,點解有限奶令呢,係因為內地人來港搶購外國牌子奶粉,集中於三隻,引起本地媽咪怨憤吖嘛!奶粉與本土派之興起,有關係㗎,CY之限奶令搞到港人及議員敵我分明,排斥內地媽咪,禁止內地人到香港搶購大量奶粉,直情係港獨催發劑,CY為始作俑者。點解內地人來港搶購奶粉呀,當初係因為內地製造奶粉,含有三聚氰胺,嬰孩吃後患上大頭症,營養則不足,嚴重影響中國下一代之素質,但投訴、抗議、上訪之受害者家屬,反遭拘禁,監察生產奶粉之官員,離職一段時間後,仍然可保官位,於是內地父母為之心寒,要來港買洋貨奶粉,王光亞孫兒亦食香港出售嘅奶粉。奶粉含三聚氰胺係內地發明,今內地高層到深圳傳聖旨,中央獨挺奶粉一人,咁樣呢個香港奶粉,即刻頭大起嚟,飄飄然瞓喺度等入閘,等人抬轎送佢入禮賓府!呢種中央奶粉,有冇內含三聚氰胺,兒童不宜呢,有待考究,唔怪得啲香港民意,係要食洋貨薯片而唔肯飲內地監製嘅奶粉咯。

相關新聞:傳梁特晉身政協副主席 《成報》轟屬張德江「低智慧想法」

傳梁特晉身政協副主席 《成報》轟屬張德江「低智慧想法」 【即時文摘】「腦滿腸肥」(李碧華) 【即時文摘】兆波的情書(高慧然) 【即時文摘】避無可避(李純恩) 【即時文摘】劉淑儀錯諷鄭月娥(古德明) 【特首選戰】想用李小龍做街名?薯片叔睇Marvel最愛奸角銀魔 【特首選戰】薯片叔拒講梁特壞話 寸奶媽「愛周末上班」論 【特首選戰】職工盟指林鄭曾俊華拒同台辯論:令人遺憾 【特首選戰】衞‧真普30料提名胡官曾俊華 抗西環操控 【特首選戰】道教主席英文勁!葡萄劉急到表錯情? 【特首選戰】競選顧問喻林鄭做雞 具備五德又廉潔 【特首選戰】《大公報》田飛龍被指撐薯片 翌日急撰文「澄清」撐林鄭 【特首選戰】網上民間投票下周一重開 轉新系統釋疑慮 【特首選戰】胡官有進賬!獲高教界6票提名 【特首選戰】民間提名延期 民主派倡簽定2份表格防甩轆 【特首選戰】薯片叔再玩「曾‧connect」 Miss投訴梁班子亂嚟 【特首選戰】六大宗教手握60票 料本周內定取態 【Fact Check】又話唔信人政綱?何柱國5年前撐唐 讚政綱切實可行 【先讀為快】林鄭政綱 唔識嚇死識就笑死 (經濟學家、冠域商業及經濟研究中心主任 關焯照) 【特首選戰】民主黨all-in曾俊華 7議員率先提名薯片叔 【特首選戰】見完曾俊華 部份社福界選委「唔收貨」 【特首選戰】林鄭反擊曾鈺成:我管教育局 唔代表做埋局長嗰份 【特首選戰】曾鈺成批今日的「娥」打倒昨日 質疑林鄭「新」政綱
精挑細味 籽想好食,即like「籽想好食」FB專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載