› 選擇地區
三藩市
紐約
洛杉磯
其他美國地區
香港 台灣 北美
 
2017年02月22日

【即時文摘】唔睇誠哥頭(陳也)

(蘋果日報)
建立時間 (HKT): 0222 00:02

乜字頭那堆人撐七警,對假扮的洋法官施以拳打腳踢,新聞雖然荒誕可笑但一樣搶到林鄭口中的版面,按林鄭論據,這些撐七警「犯法有理」人士,公關工夫一定好了得!
撐七警,罵律政司之聲此起彼落。袁司長已預告劈炮唔撈,警民關係乜乜乜關佢叉事。但起身前被污蔑聲譽,佛就一定有火,但官到無求,有火不一定打人,告人更絕!法庭事法庭了,唔使等人大釋法。
禮賓府也熱鬧了,撐七警者叫囂,要梁振英從輕發落特赦。梁先生身在被DQ的愁緒中,晚晚戙高床板刨曾公的判決書,推敲自己步曾公後塵的機率有多高之際,全家忐忑,試問邊會齊心幫用完即棄的七警翻身!臨場撐七警而冇抱膝倒地的盧教授,好心點條生路過私煙,叫她直接帶隊去林鄭會展中心樓下,大叫「林鄭出來接信」效果更搶!撐七警者竟然唔搵未來特首晒冷喎,事必有因,難道……?超人親口證實,五年前距投票兩星期前,已知悉唐唐必敗。點知?天機獨向超人洩漏,點解?除了超自然和超能量的解釋,沒有其他補充!今天的選委來來去去同一班人,唔睇誠哥頭,落錯注,未來五年,輸得起嗎?

相關新聞:【七警判刑】警長吹雞晒馬 號召2萬人集會

精挑細味 籽想好食,即like「籽想好食」FB專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載