這兩天大家又開始熱烈討論颱風消息，山竹喎，到底星期日會否掛八號風球？星期一需唔需要返工返學？既然大家都熱愛追颱風消息，又有沒有追天文台的「氣象冷知識」短片？之前政府已經好風趣地拍了一系列「頭蚊字D」短片，宣傳預防登革熱，今次輪到天文台官方facebook出片，玩「藤原拓海」送豆腐講「藤原效應」。
影片一開初就見一名「豆腐仔」揸車上山，不過不是秋名山而是伊利近山，即天文台總部所在地。之後就講起「藤原效應（Fujiwhara Effect）」，仲問：「你認藤原效應跟誰有關？」答案有藤原紀香、藤原拓海、藤原咲平。其實這個「藤原效應」是日本氣象學家藤原咲平發現的，當北半球同時出現兩個熱帶氣旋，距離接近就會互相影響，圍繞中間一點作逆時針旋轉......算啦，知你冇興趣，正如影片中街訪的伯伯問：「係咪有假放？」
影片
https://www.facebook.com/hk.observatory/videos/259310568252929/
文：Michael
