› 選擇地區
三藩市
紐約
洛杉磯
其他美國地區
香港 台灣 北美
 
2018年09月19日

【即時文摘】山竹一日(左丁山)

互聯網(蘋果日報)
建立時間 (HKT): 0919 00:02

山竹颱風襲港,威力驚人。左丁山已經忘記1962年溫黛嘅破壞性,而且嗰陣年紀細,住在洗衣街,好似唔多覺,當時冇電視、冇電話(全層樓五六伙人只有一部),溫黛大災難,係事後先至知道。依家點同呀,WhatsApp滿天飛,影像實時傳到,電視台24小時報導,蘋果動新聞不斷update,人困在家中,已知大澳、杏花邨、將軍澳發生甚麼事。
天文台早已預警山竹破壞力,但上星期五星期六陽光普照,怎不令人懷疑山竹是否又會轉方向,不來香港?9月15日星期六係全年幾個大好日子之一,左丁山到尖東帝苑酒店,未到入席時間,走出尖東海旁由南洋中心對開行到Victoria Dockside,再行番轉頭,只見維港海旁異常寧靜,船隻全無,海浪不興,一滴風都冇,熱到飛起,心諗:「難道這就是風雨前的寧靜?」飯後返屋企,睇完曼聯對屈福特場波,窗外仍然無風無雨,已知道星期日冇馬跑,於是好安樂上床見周公兼諗定起床後寫稿。
誰知六小時後醒來,聽見窗外狂風聲,聲音似行雷,急忙檢視面向馬場嘅窗門,苦也,全部滲水,風不斷衝擊客廳落地玻璃大窗,「蓬蓬蓬蓬蓬」如拳拳到肉。唔顧得咁多咯,到廚房搵到十幾個膠袋,與太太爭取時間,待風聲稍歇,即刻打開窗門,以膠袋墊在窗下。然後閂窗,將窗隙滲水阻截,如是者搞咗六七個窗,每次爭取五秒歇風時間,極度緊張。但有效果噃,大風大雨之下,窗門不再滲水,於是用大毛巾及報紙索水,待清理完畢,已成身軟晒,忽見客廳落地大窗被狂風吹開,暴風捲入,左丁山大驚,撲前拉埋大玻璃門閂死之,事後才知驚,狂風可把左丁山捲出露台外也。
一番周折之後,身心俱疲,個肚又餓,家中最就手之食物就係月餅,於是吃了一個,那管得膽固醇,跟住狂風又來一記「鐵棒敲窗」,突來一聲巨響,左丁山嚇到成個跳起,慌忙走入廚房暫避。
到咗一點幾,已冇事可做,電視之風暴新聞播完又播,變成舊聞了,才醒起是日無人派報紙㖭,於是創下幾十年來第一次冇睇報紙嘅紀錄。寫稿呀?人攰腦倦,精神恍惚,索性上床再發夢去了,點知太太呼叫,天花板滴水,梗係上一層樓窗門滲水太多,由地板積滿水滴落嚟喇……唔理咯,比起杏花邨老友,已幸福太多,搵個大碗載水可也!

相關新聞:【山竹風災】林鄭發信感謝同事 稱公務員事務局會檢視風暴後上班指引

【山竹風災】林鄭發信感謝同事 稱公務員事務局會檢視風暴後上班指引 【山竹風災】中小學災後復課 在森林原野中返學 【山竹風災】無視林鄭被鬧爆 港澳辦張曉明對颱風善後予以肯定 掌心Feel漏水 唧膠防墜機 詹Sir教路四招家居風後執漏 【山竹風災】上水小學約100名學童遲到 校長:禮堂地板被扯起 【山竹風災】男拔復課第一堂係「執葉」 着便服合力清理校園 【山竹之後】香港最美林道滿目瘡痍 冧樹斬件最後送去邊? 【即時文摘】吃麵等風(李純恩) 【即時文摘】刺馬(陶傑) 【即時文摘】國家對港人的懲罰(馮睎乾) 【即時文摘】好鍾意返工(曾志豪) 【即時文摘】自私鬼和暖男(李碧華) 【即時文摘】山竹牛肉,一鑊熟(陳也) 【山竹風災】馬哥孛羅香港酒店停電 暫停接受新預訂 【山竹風災】林鄭出巡西九站 唔通驚工程「揸流攤」? 【山竹風災‧拆局】林鄭唔宣佈停工 真係有莫大苦衷? 【山竹風災】爆200隻窗 玻璃1米咁大!海濱廣場旁邊小學仍未復課 【山竹風災】澳門5宗「颱風造謠」司警跟進:謠言傷害或大過天災 【即時文摘】香港人日本人返工放工(鄧達智) 【李八方online】梁粉攞娥特出氣?屈穎妍:林鄭令我想起「何不食肉糜」 【山竹風災】被遺忘的吉澳仍斷水 垃圾山發臭 港大新校長張翔重申反對港獨 不希望校園成鼓吹政治平台 【山竹風災】杏花邨「垃圾山」揭塑膠遺禍 海洋還20年前膠盒給人類 【李八方online】屈穎妍引錯《職安例》叫僱主停工? 【A1要聞】香港自救
精挑細味 籽想好食,即like「籽想好食」FB專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2020 AD Internet Limited. All rights reserved. 版權所有 不得轉載