› 選擇地區
三藩市
紐約
洛杉磯
其他美國地區
香港 台灣 北美
 
2018年12月12日

【即時文摘】慢慢周,急急發酵(陳也)

(蘋果日報)
建立時間 (HKT): 1212 00:02

一,網上情緣詐騙急升,自稱華為公主的騙徒聲稱江湖救急,呼籲愛國人士急匯十億八億。多位住深水埗投票給陳健康的阿伯中招損手,大叔阿伯向傳媒投訴,十萬火急搵陳健康幫手,結果食檸七!

相關新聞:【華為危機】特朗普:若有助中美貿戰達成協議 會介入孟晚舟案

二,入境處熱線被打爆,市民熱烈要求與華為太子女睇齊,一個人至少要有三本護照傍身!

三,保安局無視急市民所急,一人有三本護照的特權階級,除了華為公主,西環有幾本?林鄭有冇柒本?狼89係咪多過6本?保安局盲舂舂,局長排名,跌到與黑警一齊包尾!

相關新聞:【即時文摘】拘捕孟晚舟(左丁山)

四,強國報復,限韓令嗰招會用來對付加拿大。限加令預計包含焦土政策,與華為公主同樣買咗唔少豪宅的強國同胞,想唔賤賣都唔得。兩幢八千幾萬港幣的豪華獨立屋隨時跌到天水圍嘅價位。執平貨的良機到了,本土派都流晒口水,唔怕被標籤加膠!

五,同時使用七本護照,搭飛機多過搭車的富貴人生,火速成為港女夢。公主病發作,「任何人」對症下藥,勸公主們,學環時主編,掉咗部無能用的華x,用i瘋啦笨!

精挑細味 籽想好食,即like「籽想好食」FB專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2020 AD Internet Limited. All rights reserved. 版權所有 不得轉載