› 選擇地區
三藩市
紐約
洛杉磯
其他美國地區
香港 台灣 北美
 
2019年05月14日

【即時文摘】毒娥屠殺港豬(陳也)

(蘋果日報)
建立時間 (HKT): 0514 00:02

師奶大媽角度刁鑽,她們睇立法會「美式足球」這一幕,與別不同。我置身這家茶餐廳隔籬枱那位大媽就為689抱不平,指毒娥想超越689引發79天佔領運動的政績,故意整瓜養了22年的鴕鳥,「想震散立法會,事關佢可以終極使用特權法,解散立法會,即刻以天價N個億搞補選,泛民俾選舉主任DQ,到時全部議員都係蛇齋餅糭、殯儀大使、豬瘟保鑣、假博士、真奶媽……。賤種玩晒啦。」大媽咁激,我真的想問她老公是不是胡志偉。不過我無忽略到她替全城急尋那位fb數頭版廣告的主角鳴冤,覺得他被毒娥篤背脊,被阿爺下封嘴令。事實有可能係咁,但有人會在這種時刻站狼那邊,就好很稀奇。如果有問卷,我會問吓大媽佢,到底剔黃抑或藍。「我中立的。」不是吧,大媽你講大話,咁都有人信?「起碼我呢世人冇被人鬧過八婆。你睇,我冇反白眼,眼神冇閃縮,唔會僭建地牢,唔會煽惑受害者!」咁,預計送中條例點落鑊呢?大媽老神在在展示手機下載的新聞片,普京打完冰球威威向球迷揮手時忽然狗吃屎地向前一仆,後面拿住球棍的人只差一步就能把棍插進普京同志的屁眼。噢,大媽什麼意思?我眼前一黑,起身埋單的大媽,赫然是一頭逃過政府屠殺、肥廝大隻的本地黑毛豬。

相關新聞:【泛民訪美】李柱銘訪問團將見美國務卿 冀美方發聲促特區政府撤回修例

精挑細味 籽想好食,即like「籽想好食」FB專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載