蘋果日報 | APPLE DAILY
› 選擇地區
三藩市
紐約
洛杉磯
其他美國地區
2002年02月02日
馬上成為壹會員

深圳Hit起民族主題Bar

■表演節目期間,舞蹈員不時邀請顧客一齊跳民族舞,氣氛確係熱鬧非常。

深圳除熱愛LiveBand嘅酒吧文化外,現時亦掀起一股民族主題酒吧熱潮。一間以西藏作主題嘅「扎西德勒吧」近日擴充營業,Bar內除經常有藏族民間歌舞表演外,環境及食物亦別樹一幟。另一家富蒙古色彩嘅「草原戀餐吧」於近月開業,大家既可感受內蒙古民族嘅熱情,亦可享受其特色飲食。兩間酒吧均各具特色,必會成為喜歡北上蒲Bar嘅港人新蒲點。

記者:梁煒健
攝影:黃子偉、陳盛臣

扎西德勒吧
有如置身喇嘛佛寺
因擴張而搬遷到紅嶺中路嘅扎西德勒吧,喺新址將近兩個月,地方約500平方米,可容納200人。酒吧以西藏作主題,整個場地均以喇嘛佛寺內嘅裝修作布置,真係有如置身西藏佛寺一樣。除咗環境有feel之外,每晚都不停有大型民族歌舞表演,最抵死係呢類民族歌重好似Rap流行曲,聽落非常親切動聽。藏族以牛肉為主,「牛魔王」一族嘅食客一定要試試其地道美食。啤酒消費便宜,只消?20一支,喜歡另類酒吧嘅朋友必然要到一到。

草原戀餐吧
熱情待客取勝
新開業不夠一個月嘅「草原戀餐吧」,堪稱深圳第一間以內蒙古作主題嘅酒吧,雖然地方只得400平方米,但晚晚高朋滿座,加上蒙古人一貫熱情招待,嚟呢度玩嘅朋友,即使打烊後均開心到唔捨得走。既以內蒙古作布置,除有一間非常別致嘅蒙古包作外形嘅卡拉OK房外,大廳亦經常有蒙古民族歌舞助興。美食方面亦不乏有其蒙古烤羊腿及特飲。家陣毌須去到蒙古就可以歎到正宗蒙古美食,大家今日放咗工重唔即刻約埋三五知己,一齊去「草原戀」玩番晚!

西藏Vs蒙古
鬥節目

鬥美食

鬥環境

精挑細味 籽想好食,即like「籽想好食」FB專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載