› 選擇地區
三藩市
紐約
洛杉磯
其他美國地區
香港 台灣 北美
 
2002年12月31日

好玩除夕夜:
余文樂姚明03年大熱

今日係2002年嘅最後一日,回顧過去?Out喇,我哋應該向前望,睇吓明年Hit啲乜、玩啲乜重好啦!不過,有啲嘢今年雖然唔成氣候,但出年可能會鋪天蓋地都未定,好似余文樂咁,今年其實都唔錯,重多個「𠝹女王」稱號㖭。但據堪輿學家馬禮華預測,佢03年4月將會更紅更多新聞,而鄭秀文亦多多是非;重有我哋嘅國寶NBA十優狀元姚明都會紅到爆!重有啲乜?睇吓我哋以下兩版嘅介紹啦!

記者:除夕好玩組 
部份攝影:副刊攝影組

★娛樂紅人★
𠝹女王地下情 甜蜜蜜
現為「宇宙五術專業學會」副會長、網站、報刊玄學顧問及專欄主筆嘅堪輿學家馬禮華預測,有份拍02年最賣座電影《無間道》嘅余文樂,03年初雖然仍處於人氣低潮,但4月後會反彈,人氣急升,而且因與唱片公司產生問題,一直成為傳媒追蹤對象。現時余文樂正發展地下戀情,且看一班傳媒能否發掘出來!

鄭秀文想低調都難
馬禮華續稱近日因新戀情而再成為記者採訪對象的Sammi,03年雖想力求低調,但新聞依然一大籮,而且每次都是麻煩事。約7月她會經歷一次大破財,與新情人更有分手危機。尤其Sammi的健康會日差,咁多新聞,想不成為新聞人物也難。

★運動潮流★
NBA十優狀元姚明熱燒到㷫烚烚
連鎖運動服裝店負責人P仔:「作為今年NBA十優狀元、中國十佳運動員第二,姚明真係愈嚟愈有市場,佢着對NikeShoxLimitless賣$989,好受籃球迷歡迎,呢個月都係波鞋銷量榜Top5!雖然同朗拿度、碧咸等重有一段距離,但如果佢打波水準回勇,又或買波鞋會有多啲嘢送,佢嘅人氣指數重有得升㖭!」其實,𠵱家喺美加等地,姚明熱已經燒得㷫烚烚,嗰種瘋狂程度,就嚟吹到香港喇!


1月再爆熱潮暴走番梘鞋
波鞋加個轆,即時風靡萬千少男少女,暴走鞋絕對是02年潮流Icon。而暴走第二代──暴走番梘鞋亦將於明年1月6日抵港,將多年前興起嘅X-Game番梘鞋加入暴走元素,可以滑行又可以喺欄杆度跣來跣去,花式更多更刺激!

★時尚玩意★
女生紋身熱明年興騷肩
今年喺明星推波助瀾下,不論短暫或永久紋身都好流行,纖腰紋身加低腰褲更是潮流。出年重興唔興?紋身師傅Leo就話:「重興,但出年應該有更多人玩永久紋身。位置就由後腰轉到膊頭或鎖骨。圖案除了荊棘,中國化古代圖案如圖騰都會Hit。」

八人對戰打機都要熱鬧
緊貼日本市場、NamcoWonderPark負責人林先生:「OnlineGame都差不多飽和,我哋都出過,但唔多受。而喺03年,最興應該係對戰機,新登場係八人麻雀機,受歡迎嘅機種甚至會搞比賽。跟住係SaveCard,繼《頭文字D》後,最新足球機已吸引玩家儲分Upgrade裝備,愈玩愈專㖭。

精挑細味 籽想好食,即like「籽想好食」FB專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載