› 選擇地區
三藩市
紐約
洛杉磯
其他美國地區
香港 台灣 北美
 
2002年12月31日

好玩除夕夜:
男版Twins火速上位

■張致恆(Steven)(左)、關智斌(Kenny),挾着男版Twins之名,成功上位。

★賣相指數★
Steven&Kenny妹妹仔新寵
在最新一輯可口可樂廣告中,飾演兩位充滿好奇心的後生仔,廣告出街後即時惹人議論紛紛。在旺角信和中心賣明星相的阿儀話:「兩個人未正式出道前,已經有不少妹妹仔嚟搵佢哋啲相,個飲品廣告出街後,賣相數目即刻上升。下年出埋碟,肯定人氣急升。」

信和中心多間賣明星相的舖頭,是看明星流行程度的最佳指標。

★熾熱勁舞★
HipHopMix&Match 小春玩到盡
教舞編舞多年的RicoTsoi:「新嘅番茄舞同ParaPara一樣,因為簡單易學,所以只屬於興一陣嘅Trendy嘢,唔似HipHop由20年前興到𠵱家。但當小學生都着晒闊袍大袖,代表HipHop已經Hit到殘,需要加入新元素,要玩Mix&Match。好似BritneySpears、JenniferLopez就將HipHop同Jazz混合,蕭亞軒喺香港開Concert都加入Madonna同SpanishStyle,陳小春喺嚟緊嘅Concert更加用咗多個唔同Style嘅排舞導師,Mix&Match會係舞蹈最新氣候。」

★至Hit蒲點★
明星效應酒吧有著數
蒲精Jackie縱橫酒吧夜場多年,佢畀貼士大家,話開張個多月嘅中環Dragon-i酒吧,將會愈嚟愈旺,因為老闆係城中名人楊其龍,特別多明星、名模、名人走去幫襯,成日見報,有免費宣傳,梗係迅速成為蒲友們嘅新蒲點啦。

酒吧搞新意D場冇碇企
經營酒吧十年、StopPub負責人Kenny:「我估計明年酒吧會較旺,因為Disco的熱潮已過,警察又經常查牌令客人掃興,最終這批客人會轉移到酒吧。而靠拳手猜枚留客的年代已過,每個月推出不同活動先有新鮮感。而我哋喺新一年都會為模特兒公司、導演會等提供特別優惠。模特兒想被導演揀中,或導演想揀蟀都有,就靠佢哋嘅連鎖動力提高生意額。」

玩到上樓私房Cafe
私房CafePocoAngelo負責人Angela:「最近,銅鑼灣出現咗好多後生仔女開嘅樓上Cafe,佢哋有啲用貓陪客,有啲Sell包場、Sell特色環境,不過因為鬥得劇烈,有啲私房Cafe為咗留客,無酒牌都偷偷賣酒!但亦有幾間玩咗半年已經執笠,所以一定要有特色至可以留低,我哋都新增特惠時間免費睇塔羅服務啦!」

鯉景灣蘇豪區係人都啱
另一個蒲精Ivan,佢就話最睇好東區蘇豪區鯉景灣,事關嗰度好有Potential,有各種食肆餐廳唔在講,重有無敵大海景,個海濱公園唔單止可以拍拖、釣魚,重有個腳底按摩石春路㖭,都吸引唔少男女老少嚟試玩㗎,想感受吓《獎門人》啲遊戲幾高難度喎!

精挑細味 籽想好食,即like「籽想好食」FB專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載