› 選擇地區
三藩市
紐約
洛杉磯
其他美國地區
香港 台灣 北美
 
2004年05月30日

水貨大亨:自由行有加租無帶挈

銅鑼灣街頭又巧遇水貨大亨袁仁祥和祥嫂,兩小口子手拖手漫步街頭,羨煞旁人。祥哥做完彩光後,外表變得後生晒,皮膚白滑程度拍得住祥嫂。最厲害還是祥嫂,當日祥嫂一身HipHop打扮,頭上戴上今季最新的猿人貨車帽,在上身一件加大碼黑鬼背心襯托下,其HipHop程度如與杜汶澤和陳小春相比,實在不遑多讓。水貨圈內盛傳祥嫂使咗唔少錢瘦身,今次有幸親眼目睹,祥嫂的纖纖小玉臂與身上的加大碼背心成強烈對比,實在我見猶憐;相信祥嫂今次已瘦身成功。問袁仁伉儷最近水貨生意如何?祥哥話:「最近成本漲得好快,尤其係舖租,業主經常以自由行為藉口,大幅加租四、五成起;之不過,唔係每間零售舖都受惠於自由行,例如我哋賣裏原宿水貨,或對面街嘅寵物店,你話會有幾多國內同胞嚟幫襯先?終於生意額冇大幅上升,但成本就不斷增加,所以要諗多啲計幫補。𠵱家我要每個禮拜飛一次,保持返貨速度,留住班富貴熟客。」祥嫂則露出潔白得耀眼的牙齒,笑笑口向我說:「話時話你都好耐冇幫襯,剛返到條NEIGHBORHOOD牛仔褲,六千幾蚊啫,一於諗諗佢!」

主持人:大食Jack
八卦熱報:tai_sick_jack@yahoo.com.hk

精挑細味 籽想好食,即like「籽想好食」FB專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載