蘋果日報 | APPLE DAILY
› 選擇地區
三藩市
紐約
洛杉磯
其他美國地區
2007年08月17日
馬上成為壹會員

完美主義:HotCha:不要防曬?NoLa!

新進組合HotCha,位位姐仔約十八、九歲,外貌甜美,次次出場勁歌熱舞,引死一眾麻甩仔。雖然有首名為《不要防曬》的歌仔,但各人早有一套護膚心得,還大叫防曬美白好重要,原來青春都未必乜都冇有怕!

記者:郭佩韻
攝影:陳盛臣
Makeup:Bonnie、Cammy、阿南(Ex:beaute)
Hair:Alvin@XenterJut
Wardrobe:K2、Kitterick

要接受新事物新戀情

女子組合HotCha,出道僅4個月,推出過兩首歌:《不要防曬》及《Vanilla》,9月將有第3首歌推出。講起「HotCha」這個名字,Winkie解釋:「HotCha意思係狂熱,個名係我哋3個諗出嚟,代表我哋對所有嘢都充滿狂熱渴望,尤其係跳舞。」
每個少女都愛白裏透紅的膚色,但偏偏HotCha有首《不要防曬》歌曲,是叫人夏天不要防曬嗎?Regen:「防曬對每個女仔嚟講都好重要,首歌叫《不要防曬》只係想講好多女仔太怕曬太陽,就好似唔願接受新戀情一樣。叫人「不要防曬」,其實係想叫人多接受新事物新戀情,唔好收埋自己。」Crystal也搶住答道:「防曬好重要㗎,千祈唔好被個歌名誤導呀!」

扮靚心經

每次出街我都要搽mascara,而Ex:beauteVC100serum可解決毛孔粗大問題。

要揀啱膚色嘅粉底好難,最好以頸部顏色作準,咁搽上面就唔會有兩截色。

Ex:beautewhitecream個texture好好,可淡斑美白。另外,食車厘子都可美白㗎。

護膚Products

親自示範

HotCha形象清新健康,日本貴價品牌Ex:beaute就睇中她們的陽光氣息,為各人化個啱面形、性格的妝容。原來這個被喻為走OL路線的品牌,都可以青春得起……

面圓多做Highlight

21歲的Crystal,因箍牙所致,令她變得面圓圓,所以化妝重點是面部highlight,突出輪廓。

Steps

1.塗綠色眼影於眼蓋,眉骨做highlight,眼頭加珍珠白眼影。塗睫毛液和畫黑色上眼線。

2.T字位、下巴及下巴兩側位做highlight。顴骨打圈掃淡粉紅胭脂,最後塗唇彩。

為無神眼起死回生

Regen18歲可人兒,笑起來面泛梨渦,惜眼細細欠神采。因此化妝重點在於眼部,把無神細眼變圓圓大眼,殺死一眾少男。

Steps

1.塗粉紅眼影於眼蓋,再掃少許閃粉,然後黐假睫毛及雙眼皮貼。

2.笑肌位掃粉紅色胭脂,最後塗閃亮唇彩。

樣酷啱搽煙熏眼

19歲的Winkie,皮膚黝黑樣子cool,加上五官端正鼻樑高,啡黑的smokyeye就最適合她。

Steps

1.先塗啡色眼影於眼蓋,暈開,再塗珍珠白眼影於眉骨。塗睫毛液和畫上下黑眼線。

2.於兩頰輕掃偏橙色胭脂,最後塗光亮唇彩。

Products

查詢:Ex:beaute(25223841)

精挑細味 籽想好食,即like「籽想好食」FB專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載