› 選擇地區
三藩市
紐約
洛杉磯
其他美國地區
香港 台灣 北美
 
2012年03月25日

宅錄:ACQ防腐木家具 襟過柚木!

呢個春天雖然有啲乍暖還寒!但想同個環保露台裝身,現在正是時候!綠化家居、增加生活情趣,配埋靚靚木製家具同擺設,更能增添戶外田園感覺;不過日曬雨淋環境下,一般木製品好易變色、變形,好彩有新科技木器家具,點曬都唔驚!

記者:陳家蕊
攝影:楊錦文
Model:Pinky@PureModels

戶外木製家具補品!

戶外木家具 兩年曬壞

繽紛園藝職員Canon:「一般木製品,在戶外長期受太陽暴曬及雨水洗禮,好易會發霉、變色,再加上冷縮熱脹,嚴重者更會裂開兼彎曲變形,所以一般木製家具,最多只可以頂兩年!」傳統做法,會用防腐能力較強的樟木或柚木,不過最多都係用到四、五年,而且價格高昂!想節儉又Keep得到個靚靚露台?「近年市面興起採用ACQ防腐劑的杉木同松木製品,因為可以用上超過20年!」加上價格非常平民化,一個方形圍欄,成Set買都係五百多元!

ACQ防腐 用20年

ACQ防腐劑其實是「季銨銅」的簡稱,主要由氧化銅及季胺鹽組成,是目前國際公認最環保的防腐劑,對人、畜、環境皆無害!Canon話只要閒時做少少防護工序,就完全唔使驚!

地方細 揀花槽

香港寸金尺土,一般人屋企個環保露台,面積最多都係五、六十呎!造不成大花園,但亦不妨用體積細的膠花槽;咪以為當中無學問,需知太陽的紫外光,會對膠料損害極大,一樣會有變色變形等問題!所以唔好貪平買十幾廿蚊個的花槽,如果成日要換的話,條數都幾襟計!

地獄農夫 精選粗生植物

除咗諗容器同佈局,當然植物先至係一個花園嘅主角啦;香港人個個都忙,點會有咁多時間打理植物吖!喺度特別推介幾款粗生植物,如果咁都種唔掂,相信假花將會係一個更好選擇!

a.繽紛園藝(23809801)
b.BRULiving(36918284)

精挑細味 籽想好食,即like「籽想好食」FB專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載