› 選擇地區
三藩市
紐約
洛杉磯
其他美國地區
香港 台灣 北美
 
2012年05月07日

雲想衣裳:曼徹斯特直擊 拿尼迪斯高 晒靴

今屆英超鬥得激烈,曼聯、曼城未知鹿死誰手,就算平日唔係追開波,都知曼市打吡戰有幾矚目。而兩隊隊中球星拿尼、迪斯高更喺場外繼續高調晒靴,不過今次並非為排名而戰,而是齊齊親身示範adidas即場登場的PredatorLethalZones波Boots,更有沙維、雲佩斯、迪馬利亞等球星落力畀意見,着住落場即變身大師級球員。

記者:雷福財
攝影:林栢鈞
Makeup&Hair:Zoered@hotmail.com
模特兒:AshleyFuller@bossmodels

解構新Boots

所謂「工欲善其事」,一場賽事踢足90分鐘,一切表現均來源於腳下,即使球星幾好波,無對「射門鞋」一樣無符,波鞋的性能自然需要多多講究。adidasPredator由1994年已經開始為球星度身打造球鞋,今年來到第18個年頭,便以五大常用的動作包括盤球、控球、射門、長傳及傳球為標榜打造,提升各項技術。特製的超輕橡膠及立體印痕彈力記憶軟膠,能夠增強與足球的接觸面之餘,鞋身更以皮革及合成纖維製造,重量只有225克,吸水量低、輕身,能夠減低對雙腳的負荷。

球星試足五體位

今年對球迷來說絕對High爆,因四年一度歐國盃及倫敦奧運即將舉行,大飽眼福之餘,另一個矚目戰場自然少不了商業戰場。英國時間5月1日下午3時,兩隊英超曼市球隊球星便現身於TraffordCentre附近的一個Eventcity場館內,率先為今年最新adidas戰鞋作示範,拿尼、迪斯高、湯卡華利等逐一於五大區域輪試這對號稱集五大足球技術於一身的新戰鞋。現場所見,新仔湯卡華利明顯最見落力,相反另一曼聯球星拿尼未知係咪受早前輸波影響,熱情不足。

三星三問三答

Q1 : 之前試着完,對新波鞋有何意見?

A1 : 我覺得個Design好舒適,控球能力表現不俗。

Q2 : 你給予了設計團隊甚麼意見?

A2 : 我會列明球鞋邊個位置最常傳球、控球、射門等,當然還有球員意見,現在已着住佢踢了三場比賽,感覺很好。

Q3 : 對於新波鞋製成品,覺得還有甚麼改善地方?

A3 : No,呢對已經係我所見的最好。

Q1 : 試着完這對新波鞋,有何感受?

A1 : 今日第一次着,感覺比上一代又輕身咗,希望靠佢入多啲波。

Q2 : 如果品牌方面可以為你DIY一對波鞋,你最想加入甚麼元素?

A2 : 那當然是全鞋用晒曼城的藍色,哈哈。

Q3 : 今屆歐國盃,你睇好邊隊?

A3 : 對我來說,西班牙及德國都是現今最好的。

Q1 : 今次呢對比上一代款式有何不同?

A1 : 已經試着了一個月,覺得好包腳、輕身同舒適,提升了不少速度。

Q2 : 你最常用到球鞋邊個位置?

A2 : 最常用到控球同傳波位置,特別係作為中場球員最為注重。

Q3 : 曼市比賽後,費Sir同班球員說了甚麼?

A3 : 大家當然好失望,畢竟輸咗場重要比賽,佢同大家講輸贏只是平常事。

曼市街頭Look

英國街頭向來都是潮人造型冶煉之地,即使離開倫敦,走在曼徹斯特的城市中心Piccadilly一樣型人雲集,唔用名牌堆砌只求自我風格。買乜着乜?齊齊SharetheFashion。

精挑細味 籽想好食,即like「籽想好食」FB專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載