› 選擇地區
三藩市
紐約
洛杉磯
其他美國地區
香港 台灣 北美
 
2012年07月11日

價值

家輝是獨子,父親在他四歲時因病離世,家輝就靠母親獨力養育成人;年近三十的家輝,決定與拍拖五年的女友共諧連理,寡母婆捱大個仔仲見到佢成家立室,家輝母親當然老懷安慰,誓要傾盡老本,大排筵席、大宴親朋鋪張慶賀,因此母親對菜單極其緊張,而當她發現菜單上竟然沒有「魚翅」,登時大發雷霆,要投訴擺婚宴的酒店辦事疏忽,但卻被家輝力阻:「媽!家擺酒唔食翅㗎喇!」母親覺得匪夷所思:「擺喜酒點可以無翅食!」家輝有點不耐煩:「媽!時代唔同喇,家擺酒食翅,會俾人話唔環保㗎!」
媽激動得熱淚盈眶:「我唔理咩環保,總之我個仔餐結婚酒,唔可以咁失禮無翅畀客人食,我訂咗佢哋唔食係另一回事!」家輝按捺不住:「妳知唔知要殺幾多條鯊魚,先夠做一餐結婚酒嘅魚翅呀?」母親動了平身最大的怒氣,一巴摑向家輝,哭着跟他說:「你知唔知我捱咗幾多苦嚟養大你!鯊魚緊要定阿媽緊要?」家輝無言以對。
妓女安妮在皮草店買了一件貴價西伯利亞狐狸皮大褸,步出店外時遇上一班示威的環保分子,其中一名成員痛心疾首,指着安妮質問:「妳知唔知道要殺死幾多隻狐狸,至夠造妳身上面嗰件皮草大褸?」安妮不慌不忙、不亢不卑向那環保成員說:「咁你又知唔知,我要俾幾多男人×?先可以買到呢件皮草大褸?」
家輝母親與妓女安妮所說的都不是歪理,你不能接受,只是大家的「價值觀」不同而已!

作者Profile

編劇、導演兼電台節目主持,認為「愛情」是沒有工作時的玩意,「工作」是沒有愛情時的必需。

作者:鄒凱光

逢星期三刊出

精挑細味 籽想好食,即like「籽想好食」FB專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載