› 選擇地區
三藩市
紐約
洛杉磯
其他美國地區
香港 台灣 北美
 
2012年11月26日

雲想衣裳:Jeremy Scott空降老銅 露一手

人稱鬼才設計師的Jeremy Scott,作品向來玩味十足,永遠讓人看得嘩聲四起,國際紅星潮牌着過合作過的數量,多過手指腳趾互加,就連老佛爺都點名稱讚過。上星期來港四日,順道帶同自家歷年作品一次性晒冷,粉絲朝聖又得,掃聖誕節禮物亦得,老銅見。
記者:雷福財 攝影:伍慶泉(Styling、部份產品)
模特兒:Kate@Starz People
化妝:Jojo Cheung 髮型:Guardi

紅星瞓身撐

一件絕版VS聖誕絕唱?

出名玩得癲喪的JS,靈感全不着邊際,可口可樂、卡通圖案、路牌、哈哈笑、鍵盤等滲於歷年同名作品中,今次可一口氣睇晒之餘更可即席掃走,但每款只限一件,堪稱絕版。對於大師是如何爆出小宇宙,Jeremy Scott:「幾乎身邊所有事都可啟發我,朋友對話、新聞、畫展等,加上經常周圍飛,從而參考不同文化地區的新事物。我最欣賞Andy Warhol那種能觸動別人、個性的能力。」卡通可說是JS最愛之物,就連訪問當日亦手戴一枚八爪魚戒指,「最鍾意SpongeBob同Mickey Mouse,大家一見就知係乜,不用語言,一看就有種開心感覺,同着衫一樣,只要穿得Happy便是最靚。」
只是瑪雅末世預言,聖誕將成絕唱?JS不以為然:「我真係唔信會發生,所以會如常追趕癲到爆的交貨死線,每季作品只有六個月設計,其間仲有其他Collaboration……不過真係有Last Day的話,我會約班密友開跳舞Party,開心到最後一刻,哈。」

商場處男展

JS短暫停留四日,但留下的還有首次落手落腳設計的聖誕展覽,粉絲要朝聖、要拍攝一定要到wtc more世貿中心感受感受。「起初一聽到有呢個計劃就好期待,可以喺一個商場內將自己最心愛的元素全然放大,過程令我好Enjoy,同時希望香港嘅大小朋友都會喜歡,當然仲有我嘅Pop-up Store啦。」

聖誕限定Pop-up Store(2576 4121)

日期:即日至2013年1月1日(10am-11pm)
地點:wtc more世貿中心P1中庭

精挑細味 籽想好食,即like「籽想好食」FB專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載