› 選擇地區
三藩市
紐約
洛杉磯
其他美國地區
香港 台灣 北美
 
2016年03月18日

【絲打脫毒】韓劇吊腳短髮熱 小馬尾最啱輕熟女

韓妹最近又愛上唔長唔短嘅吊腳length髮型,近期幾套最hit的韓劇女角都愛這個清爽得來有變化的長度。

韓迷最近熱話都係由Rain和李珉廷主演嘅新劇《回來吧大叔》同埋同佢哋對撼、由宋仲基加宋慧喬主演嘅《太陽的後裔》。呢度,係唔會劇透的!想講嘅係女角們唔長唔短嘅吊腳length髮型:長度不及肩,長蔭或齊蔭一樣襯得起。記者最愛《太陽的後裔》金智媛的長度,夠束起來剛剛好是一條可愛的小馬尾,而耳邊頭髮緩緩垂在面頰,又可遮住少少包包面,鬆手的紮法令髮型更有自然美。

《回來吧大叔》李珉廷:
李珉廷今次飾演人妻,打扮成熟得來又要給人年輕感,所以吊腳短髮間中會配襯小髮飾增加可愛感;又以小馬尾展現喪夫的傷感和堅強。

《太陽的後裔》金智媛:
金智媛這次飾演女軍醫,大部份時間着軍裝,非常有型,戴軍帽時短髮露出,保持了可愛感,不戴軍帽時束起小馬尾又是堅強型造型,看看她往日長髮的形象,感覺氣質真的跟現在差很遠!

《請回答1988》惠利:
飾演於1988年正處於18歲的學生,典型80年代學生蘑菇頭,劇中大部份時間是齊蔭,劇外回復長瀏海和輕度染啡增加時尚感,齊腳髮型較少女,微鬈的髮型適合出席大型活動及場合。

《太陽的後裔》宋慧喬:
宋慧喬就明顯係吊腳頭的較長版變奏,不是完全齊腳,略為偷薄的髮腳增加了飄逸感,記者略嫌整體長度太長有點累贅不夠時尚,不過碎瀏海幫佢減齡,感覺是溫柔斯文的氣質。

記者:容慧心

精挑細味 籽想好食,即like「籽想好食」FB專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載