› 選擇地區
三藩市
紐約
洛杉磯
其他美國地區
香港 台灣 北美
 
2016年03月25日

【港女潮話】出事㗎嘛!四大女星中伏衣着

香港演藝圈打扮曾經出事嘅女星又豈止宇宙漿?

宇宙漿拎獎打扮真心令人眼界大開,但其實香港演藝圈打扮曾經出事嘅女星又豈止佢一位?回顧呢幾年,成為大家談論焦點嘅仲有佢哋。

一、鄭融

睇番2014至2016年,鄭融依然行鬼妹仔風格,本來香港人普遍都buy呢類型,出事位在比例掌握得麻麻,同一色系由頭着到落腳,冇咗條腰兼顯得腳短。

二、謝安琪

女神bb冇錯係靚女,然而衣着呢家嘢真係好蝦人,成日見佢出騷都揀厚重份量嘅gown現身,成個人臃腫晒,即使超透蕾絲都無補於事;玩structual稍一不慎着到似有身孕咁,小心啲啦!

三、容祖兒

講緊嘅當然唔係今時今日嘅天后,初出道時着住英倫風不規則連身裙加酒紅色掛頸上衣,無啦啦變咗五五身;再來一條露肩款one-piece配金色吋半踭高跟鞋,出事喇。

四、楊千嬅

潮媽千嬅出道至今打扮有極大進步,但都偶有失手。以前iconic紫色髮色加桃紅連身裙撞到嘭嘭聲;今年年頭一身藍色豹紋外套配joggers,係迎合sports chic潮嘅,敗筆在冇埋腰線,變咗蘋果身形。

記者:黃樂雯

精挑細味 籽想好食,即like「籽想好食」FB專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載