› 選擇地區
三藩市
紐約
洛杉磯
其他美國地區
香港 台灣 北美
 
2016年04月10日

【越毒越愛】Dickson vs坤哥 宅男毒男你揀唔揀?

歌手吳業坤(坤哥)和《毛記電視》主持專家Dickson都可以話係時下年輕人的熱門「偶像」,坤哥憑住熱誠自彈自唱片和真心喊樣贏得樂迷歡心,而Dickson就靠他傻更更的樣子和打不死戀愛法則令女生感覺他夠真心夠可愛。宅男毒男完勝,完全打破往日靚仔醒目仔先有巿場的定律。

街訪下不同少女,睇下佢哋點諗先:
Yuki Lovey(Y) / Carmen(C) / Michelle(M) / Sabina(S)
問:你喜歡坤哥和Dickson嗎?
Y: 我是很喜歡Dickson呀!我有一次真的見過他,他真的很像怕醜仔,好可愛!
C: 冇特別感覺。
S: 坤哥我鍾意呀,因為他唱歌好聽,我覺得他性格幾親切,好像弟弟一樣!
M: 坤哥有聽佢啲歌,Dickson唔太熟。

問:宅男/毒男係咪吸引啲?
Y:我好鍾意Dickson夠貼地,有親和力、冇太大機心又友善。如果又宅又靚仔佢贏晒!
C:宅男不會每事都求自己做重心或者要所有的注意力,一些我認識的都比較平易隨和無所謂,但冇preference特別想認識宅男。
S:不會。
M: 都想了解下,不過揀男朋友要睇第一印象。

問:會唔會揀坤哥或dickson做男朋友?
Y: 兩個都咁多人識好無安全感,真的要揀就揀Dickson啦!宅啲!
C: 坤哥,因為佢識唱歌。 ……
S: 可能會考慮坤哥呀,dickson嘛,就未必會考慮了,要了解他多點有些困難。
M: 坤哥吧,起碼有才華,Dickson真的不清楚。
宅男毒男真係吃香啲?請教過中文大學新聞與傳播學院院長馮應謙教授,他認為Dickson或坤哥都不算最極端的宅毒例子,「宅到完全不見人基本上不會願意在鏡頭前為你演出一套戲或唱歌;這樣說只不過是打造出一個形象:他們是網上才愛跟人溝通,有點害羞那種性格。」馮教授認為現在的藝人好多時都會玩社交網絡如facebook等,其實這樣的網上接觸已經能夠滿足這一代對於溝通的需要,「我覺得如果做得藝人又想target新一代,一定要做好這個形象。」因此透過網絡演出或發放個人消息,營造貼近年輕人的「宅」性格也成為了藝人其中建立的一種形象。不過揀選啱睇對象作娛樂和揀男朋友條件未必相同,所以揀宅男毒男作伴未必是社會男女感情的大趨勢:「我覺得只是某部份女生喜歡宅男毒男,到她們要面對現實的時候,可能就會找一些較實際、能夠支持生活的人,繼續追求毒男的性質的女生,會想一些有真性情的男生,覺得世界奸險,找宅男毒男較可信,但她們始終不會愛一個和她們溝通不來的宅男。」

記者:容慧心
攝影:陳永威、楊錦文、許先煜

精挑細味 籽想好食,即like「籽想好食」FB專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載