› 選擇地區
三藩市
紐約
洛杉磯
其他美國地區
香港 台灣 北美
 
2016年04月24日

【港女補課】4小技快速清潔運動鞋

呢排成日落雨又潮濕,最怕就係整污糟對鞋,難洗又難乾。港女如我當然接受唔到「觀音頭掃把腳」,不過日日要洗鞋又的確難為了家嫂,好彩搵到四招快速清潔運動鞋小技巧,未夠徹底清潔但總算撐得住場面。

一、洗甲水洗膠皮邊
呢幾季好興白波鞋,見連碧咸嫂都捨高跟換上平底白色運動鞋你就知。原來要保持白色膠皮波鞋夠白淨,可以用洗甲水抹去污迹,洗甲水中的有機溶劑可以在短時間內帶走污迹,對膠皮鞋邊尤其有用。但過敏人士及孕婦就要避免使用,以免吸入揮發性氣味帶來刺激。

二、擦膠去污迹
小學時期常用的擦膠,大個咗都唔好忘記佢。用一塊白色擦膠就可以擦走污迹,但用喺織布面運動鞋如Nike Flyknit,就要小心單向一個方向擦,否則容易擦起毛粒。

三、水樽洗鞋帶
唔少人成日洗鞋都洗漏條鞋帶,唔想每次都將佢扔入洗衣機等上個幾兩個鐘?可用彩色漂白水同暖水以一比一比例注入普通膠水樽至半滿,再放鞋帶入樽去狂chok,約三至四分鐘後chok至鞋帶變返原來顏色,就可以拎出來鋪平吹乾。

四、番梘驅腳臭
天氣潮濕最容易焗到鞋同腳都臭,只要將番梘切成碎塊,用紙巾包好放入鞋內,靜置一晚就可以驅走腳臭。但面對淋濕咗嘅鞋,呢個方法就派不上用場,因番梘沾上濕氣後會變得黏稠稠,一不小心整穿張紙巾,隨時搞到成鞋都係番梘水!

記者:黃樂雯

精挑細味 籽想好食,即like「籽想好食」FB專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載