› 選擇地區
三藩市
紐約
洛杉磯
其他美國地區
香港 台灣 北美
 
2016年05月09日

【慎入】嚇親人!泰國試真皮染血booties

Ogilvy & Mather曼谷分部最近同動物權益組織PETA合作,玩出一間偽皮具店,直撃「客人」對特別設計的皮具品第一身反應。(圖片來源:Behind the Leather/Youtube截圖)

呢排ViuTV牽起香港一陣真人騷熱,但去旅行、搏擊同煮飯仔又點會咁易餵飽香港人胃口?4As廣告公司Ogilvy & Mather曼谷分部最近同動物權益組織People for the Ethical Treatment of Animals Foundation(PETA)合作,喺曼谷一個高檔商場砌出一間實質為展覽館的偽皮具店,仲用拍攝真人騷方式,透過鏡頭捕捉參觀者最直接反應。

普普通通一個展覽有乜咁大不了?查實店內陳列出多款皮具用品,表面睇絕對比得上大牌設計,但一打開或試着就會出事,皆因無論係手袋內、外套內、皮帶底部、手套內裡抑或高跟booties內,全部都係血淋淋似心臟跳動設計,佈滿「血漿」同肌肉紋理,都咪話唔嚇人!有好幾位「客人」仲一臉不相信咁打開個袋一睇再睇,認真吊詭。

呢個廣告嘅主要目的,其實都係想勸大家唔好買咁多真皮製品,因為背後都代表住一條生命嘅犧牲。咁講法,其實你同我每日用住嘅皮具,雖然冇血漿,但都一樣血淋淋... ...

記者:黃樂雯

精挑細味 籽想好食,即like「籽想好食」FB專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載