› 選擇地區
三藩市
紐約
洛杉磯
其他美國地區
香港 台灣 北美
 
2016年05月18日

【港女補課】偽增高大法 碧咸大仔女友三個變高襯衫秘技

唔使等三年又三年,碧咸大仔Brooklyn Beckham同紫天椒Chloë Grace Moretz終於承認拍拖。睇佢哋放閃之餘 ,識睇梗係睇埋佢點襯衫。演員出身嘅Chloë fashion細胞都唔少,但佢其實身高得163 cm,外國人嚟講唔算高,勝在識襯衫拉勻比例。今次一於八一八佢有乜變高嘅襯衫方法,等我一眾矮妹子偷偷師。

一、及腰皮褸

講到佢嘅必備物品,首位一定係皮褸。事關無論係上機落機,休閒定正式場合,都會見到佢用唔同嘅黑色皮褸配搭。四肢纖幼,肉地集中喺身體嘅佢,最鍾意就係着啲及腰嘅biker款,內襯高腰items營造腰線,望落對腳即刻長咗兩吋。

二、重點花花

可能身形所限,Chloë每次着親連身長裙比例都會變得奇怪,經歷過幾次之後終於生性,學識用印花圖案轉移視線,着一條有衫領花花連身裙,或者花花上身衫襯貼身皮裙,有晒視覺重點,成個人都非常醒目。

三、搶眼套裝

最勁都係Chloë搵嚟勁bold套裝襯埋一套,超級吸睛不在話下,tone on tone襯法仲騷到成個人筆直線條,即時成個人視覺上拉高晒!

記者:黃樂雯

精挑細味 籽想好食,即like「籽想好食」FB專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載