› 選擇地區
三藩市
紐約
洛杉磯
其他美國地區
香港 台灣 北美
 
2016年07月28日

【凍齡靚媽智慧】飲鹽水排毒 西瓜皮美白真係得?

香港有不少在職媽媽,既要照顧小朋友,又要兼顧家庭,的確不容易;但就算唔係在職媽媽,單係照顧家庭已經係一份24小時嘅full time job,認真勞累。知道各位媽媽未必有心力時間去打點自己肌膚,今次扮靚籽找來三位在職媽媽,睇睇佢地有咩快靚正的美容方法。

一、手作人何思諺(Leanne Ho)

既是手作人,又要兼顧拍攝工作的Leanne,與樂隊Mr.鼓手杜志烜(Tom)育有一子,她日常美容時間主要集中在洗澡時,「平常都是照顧小朋友,好少時間花喺自己護膚上面。」除咗敷面膜和塗面霜等基本動作,原來何媽媽都傳授咗佢一招:「夏天吃完西瓜後,媽媽會教我們用西瓜清(即果肉與外皮之間的白色部份)按摩面部,就會白一點。」咁神奇?!註冊中醫師譚莉英指出,原來西瓜清含非常豐富的水份,而且它比絲瓜絡的纖維幼細,用它來輕輕按摩面部,除了可以有退死皮和鎮靜作用,也可令毛孔收細。

二、時尚公關April Lam

不只凍敷有用,熱敷得宜對皮膚也有紓緩效果。運動型媽媽April一向喜歡行山、滑浪風帆等戶外活動,仲經常帶埋兩位千金一齊出外。皮膚經常受陽光照射,April不但會定時peeling幫皮膚去角質,仲有一招對付黑眼圈好有用:「經常熬夜的話,眼會出很多紅筋,只要隔水蒸熱生地,用紗布包着它敷在眼上,敷到它變涼了便可以紓緩紅筋與疲勞。」熱敷可以令血管膨脹舒服啲就係人都知,但原來指明用生地係有原因。譚醫師話生地清熱涼血,趁熱用來敷眼睛帶行氣活血功效,仲可以用來緩和因疲倦而生嘅黑眼圈問題。

三、美容公關Phyllis

美容方法又豈只外敷?內服方法同樣值得參考。由12、13歲開始研究美容的Phyllis,試過不少產品和方法,家中更備有家用美容儀器自己做護理。唔只自己落手落腳做機,佢亦有自己的美容宗旨,「我相信人需要先排毒,才吸收到好東西。」Phyllis建議坊間流傳的「朝鹽晚蜜」調理方法,即早上會喝鹽水排毒,每晚睡前喝蜜糖滋潤五臟,「我會選擇喝有麥蘆卡(manuka)成份的,可抗衰老和減少胃氣」。據說喝鹽水有助排清身體宿便,但譚醫師提醒,鈉質會吸收水份,有機會令水份未能適時去到腸胃及排泄系統,效果因人而異;而蜜糖的確可以滋潤五臟,但患有糖尿病的人要控制糖份吸收,參考以上方法時要視乎個人狀況。

記者:黃樂雯

精挑細味 籽想好食,即like「籽想好食」FB專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載