› 選擇地區
三藩市
紐約
洛杉磯
其他美國地區
香港 台灣 北美
 
2016年08月08日

【港女潮話】你我他的曬太陽迷思 兩種成分幫你曬得靚

點解人地有令立立古銅膚色,我就曬出暗啞啡色?究竟點先曬得靚?我唔想出雀斑,戴黑超係咪真係有用?我化咗妝,點補防曬好?

相關新聞:【靚貨攻略】出海玩瑜珈!8款防曬防水度實測

以上迷思我同你都有,今次一於問下註冊西醫鄭曉蔚醫生,呢啲難題點解決好。

1. 點先曬到潤澤小麥肌?

曬完皮膚暗啞,主要是皮膚太乾所致,陽光熱力曬太久,令皮膚水份流失,角質層也增厚,久而久之缺乏潤澤光采。
要曬得好看,鄭醫生說,塗的防曬成分很重要。「防曬產品中含抗氧化物,甚至有多點油脂性成份的,便沒那麼容易流失水分。」

唔只搽的防曬產品要留意,點樣曬亦係一門學問。「曬的時候不可以太急進,有啲人太心急,想幾日內曬成古銅色,但
曬得太多會很容易出紋。」點算好?佢建議分段式曬,唔好揀最烈日當空的時段去曬,黃昏時候循序漸進便會曬得漂亮。

2. 唔想出雀斑,戴黑超係咪真係有用?

戴太陽眼鏡原來除咗保護眼睛,仲可以預防出斑!皆因人嘅視覺細胞,接收到陽光中的紫外線時,會向皮膚發出令黑色素聚集的訊號,戴上太陽眼鏡,就可以減少這狀況出現。

3. 我化咗妝,點補防曬好?

夏天又熱又會溶妝,唔通真係直接搽多層防曬乳上面?!「如果化咗妝嘅話,先印一印面油,再掃上防曬粉。市面上部份防曬粉也有SPF30、SPF35,甚至SPF50,便可以順道補充防曬,又可以keep到個妝。」

記者:黃樂雯

精挑細味 籽想好食,即like「籽想好食」FB專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載