› 選擇地區
三藩市
紐約
洛杉磯
其他美國地區
香港 台灣 北美
 
2016年11月08日

【去邊度換衫是重點】抗爭都要靚 游蕙禎遊行幾個look

抗爭都要靚!游蕙禎連日來於遊行中嘅幾個look,絲打們可以偷下師睇下點樣遊行而不失女神霸氣。

反釋法遊行,翌日以人大釋法告終,係好多人唔想見到嘅結果。件事嘅兩位主角游蕙禎同梁頌恆成為箭靶,俾好多人追究到底幾千人為佢哋上嘅街,佢哋又係咪獨善其身呢?答案係,佢哋絕對有參與嘅。而游b更加作了抗爭都要靚嘅最佳示範,早晚2個looks,保證要為大家抖擻精神!

遊行look:淺藍短袖恤衫+黑長裙+咖啡針織長褸+白色側孭小包+白色平底皮鞋撞藍色短筒襪
遊行打扮就斯斯文文,恤衫鈕扣晒上頸喉嘅長裙文青look,仲有signature長直髮,襯返梁頌恆的粉藍白粗間Slim cut恤roll袖,是靜中帶動的和平冷靜造型。

行動look:黑色大學Tee+白色熱褲+白色背囊
到咗凌晨嘅行動打扮,明顯係較輕便和sporty,一頭長髮亦都夾返total look束起,再加一條小汗巾喺頸,是「隨時預備衝」模式造型。

第三個look?白色小樽領長袖薄top+黑色心形胸吊帶裙
好多網友以為游b一日換咗三套衫,其實呢個look係11月2號民陣舉辦反對釋法及促請梁振英下台遊行時影嘅。人人遊行都行到身水身汗,游b就為大家展示咗女神如何遊行而不失造型,絲打想學,第一樣都係諗定要去邊度換衫先嘞。

記者:容慧心

精挑細味 籽想好食,即like「籽想好食」FB專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載