› 選擇地區
三藩市
紐約
洛杉磯
其他美國地區
香港 台灣 北美
 
2017年01月28日

【港女補課】唔只水仙劍蘭 花藝師潮推新式年花

Solomon Leong(左)同Alex Segura(右)今年喺圓方大玩花藝藝術裝置,以金、木、水、火、土五大元素為靈感,設計出五大巨環,代表生生不息、萬物循環。

話咁快就年三十,要行年宵買年花最後衝刺就係今日!年年都買桃花、水仙、劍蘭?潮人當然要俾啲新意。第一位喺有百年歷史嘅倫敦切爾西花展獲得金奬嘅華人Dr. Solomon Leong,今年就同連續11年為諾貝爾和平獎頒獎典禮御用、西班牙著名花藝師Alex Segura合作喺圓方大玩花藝藝術裝置,記者當然趁機八卦吓有新式年花好入手,Solomon就有以下推介:

一、小牡丹

牡丹花形豐滿,花語寄作「圓滿、華貴」,比起手板咁大的粉色牡丹,平均直徑只有約五厘米嘅小牡丹的骰又可愛,可以拼出清新風格。

二、日本雪柳

日本雪柳又名「五穀樹」,因為春天盛開雪白小花,秋天會結出似稻穀、黃豆、玉米嘅果實而得名。古時流傳,如果雪柳結嘅果實似稻穀,會意味來年豐收,令軍人打勝仗機會大增,所以花語亦代表「殊勝」。以雪柳裝飾屋企,可以考慮配搭淺粉色系花朵,感覺更溫馨。

三、豌豆花

豌豆花代表「喜慶」、「回憶」,約手掌咁長的一串小花常見於婚禮場合,因為似足飛舞中嘅蝴蝶而為花藝者所喜愛。而且有好多色揀,淺紫、深紫、粉紅、酒紅都有,梗有一款啱你口味。

四、火焰百合

大家常見白色百合,感覺莊嚴而高雅;火焰百合相較細朵但霸氣,佢花瓣由黃變紅,想點綴家居的話,不妨將佢配合小型黃色馬蹄蓮,以圓潤流線形態補足其放射線條。

記者:黃樂雯
攝影:徐振國

2017果籽繼續認真知味。識買惜用。行以求知。好事多為。重修舊好。
緊貼果籽報道,即like: http://fb.me/AS.AppleDaily

精挑細味 籽想好食,即like「籽想好食」FB專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載