› 選擇地區
三藩市
紐約
洛杉磯
其他美國地區
香港 台灣 北美
 
2017年03月29日

【港女潮話】泰啤品牌有衫賣?四個不可不知的曼谷潮牌

近年泰牌在國際時尚舞台嶄露頭角,雖然唔少泰牌的確有浮誇難着元素,但近年已經走向溫和,仲有少少文青清新感覺。 今次記者找來四間同樣本土起家的潮店,一改泰牌刻板印象。

早前朋友A問我遊曼谷按摩推介,仲話要去四日按足四日,真係不禁概嘆一句「少女你太年輕了!」近年泰牌在國際時尚舞台嶄露頭角,唔單止Beyonce同Katy Perry等女星都係泰牌Sretsis粉絲,連大部份港人只認識其餐廳的Greyhound,其實喺韓國、日本、瑞士亦有時裝分店,去曼谷只按摩,啡唇人除時錯過好東西都唔知!雖然的確唔少泰牌有浮誇難着元素,但近年已經走向溫和,仲有少少文青清新感覺。 今次記者找來四間同樣本土起家的潮店,一改泰牌刻板印象。

一、Singha Life

冇睇錯,真係啤酒品牌Singha。啤酒麻甩味濃,品牌雖然主打男士系列,但居然一丁點麻甩味都冇,反而官仔骨骨;花碌碌印花對一般男士而言唔易接受,但套上去普遍少肉的亞洲男身上卻出地奇合襯。近年品牌逐漸推出女裝系列,傾向歐美流行athlechic,粉色印花運動top加貼身過膝裙,唔知點解令我諗起Rihanna。

二、Rotsaniyom - White Label

由一對夫婦合作的品牌,最標誌性屬白色勾花針織同大片蕾絲。上年年中,兩夫婦曾來港參與CENTERSTAGE香港時裝盛典,帶來全白時裝騷。店內亦有數碼印花傘裙同一系列襟呃like唔襟戴之花花帽同眼鏡,少女味濃的潮女唔好錯過。

三、INDIGOSKIN

Made in Okinawa的泰國品牌。睇名就知佢玩洗水牛仔布,設計師 Tuchawee Sonthirati將泰國傳統花紋融入設計,喺衫袋、褲袋及內裏都用上花布或刺繡點綴,而且全店只攻牛仔一味,有股職人味道。

四、Greyhound Original

港人們熟悉的Greyhound Cafe,去到曼谷不妨行埋佢的時裝店。店內主打初熟辦公室女郎outfit;仲有當地設計師品牌寄賣,用上大理石砌成的鍊條袋好夠份量,星期五放工後拎去摸杯式chill一chill亦不失禮。

記者:黃樂雯
攝影:伍慶泉

2017果籽繼續認真知味。識買惜用。行以求知。好事多為。重修舊好。
緊貼果籽報道,即like: http://fb.me/AS.AppleDaily

精挑細味 籽想好食,即like「籽想好食」FB專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載