蘋果日報 | APPLE DAILY
› 選擇地區
三藩市
紐約
洛杉磯
其他美國地區
2012年10月02日
馬上成為壹會員

家居環保大掃除
天然清潔劑僱傭讚好

何姑娘是香港婦女勞工協會的活動助理,帶領一班「環保姨姨」推行綠色清潔工作。機構提供圖片

【環保地帶】環保從生活開始!一群60後師奶化身「環保姨姨」,組成一隊「家居環保清潔隊」,為實踐及支持環保,一眾姨姨更拒絕使用化學清潔劑,為免清潔時皮膚受損或吸入臭味氣喘,她們更利用自製天然清潔劑替僱主清潔家居,提倡綠色清潔文化。 記者:陳詩雅

香港婦女勞工協會的活動助理何姑娘,曾是全職清潔女工,有多年清潔家居的心得,長期接觸化學清潔劑讓她深受其害,「漂白水、生粉、萬潔靈,以前成日用,但好快出事」。伴隨而來的主婦手、痕癢、甩皮已習慣了,就算帶上手套都沒有改善,她呻道:「雙手冇晒油脂。以前試過10隻手指貼晒膠布,唔敢畀親戚睇,惟有縮埋隻手。」看西醫,塗類固醇亦難根治。何姑娘深信天然清潔劑是救星,「搏晒命去搵、去學點整天然清潔劑」,她又到協會參加環保學習班和綠色學堂,「邊做邊學,好想搵到方法去改變,搵適合人用,又冇刺激性嘅清潔劑」。

給基層婦女工作機會

經過努力付出,及得到僱主的肯定,令何姑娘更有信心繼續推展綠色清潔,曾有僱主讚道:「好好喎!冇咁大陣味。」不過,也曾出現美麗的誤會,「佢哋(僱主)聞唔到陣漂白水味,仲以為我求其抹或者唔乾淨」。姨姨隊員小清(48歲)為幫補家計擔任兼職,過去她也曾任全職清潔工人,也受過化學清潔劑傷害皮膚,令她痕癢萬分,「一聞到陣味就咳唔停,賺嘅錢都攞晒去睇醫生。」她無奈地說。為生活,小清連手指也變形,她的家人看到感心痛,「改用環保清潔品我就唔再咳,啲老闆又好滿意,真係雙贏」。何姑娘指姨姨打掃後,會給僱主填寫意見表,滿意與否都可反映,力求改善。「熟客都係愛環保嘅人士,仲有就係支持弱勢嘅基層婦女,畀佢哋多啲工作機會」。何姑娘說,每逢農曆新年都是姨姨最繁忙的時候,「好似今個暑假,有工冇人做,原因係我哋學員一定要通過晒考試培訓先得,唔係隨時可加入,要識得環保同相應嘅清潔技巧」。何姑娘和小清異口同聲說:「有位智障人士嘅屋企,淨係廚房都洗咗三個鐘,我哋都係好仔細咁洗。」過得人過得自己,環保姨姨絕不馬虎!該會自2006年起推行「環保姨姨──社區環保網絡」,成立女性綠色學堂、環保姨姨義賣場、家居環保清潔隊等一連串實踐綠色社區生活的活動。成為環保姨姨須參與學堂、培訓、實習和考試,完成後才可承接工作。目前該會共提供10名環保姨姨空缺,時薪70元。查詢電話:2790 4848環保姨姨社區環保網絡網頁: http://www.hkwwa.org.hk/project/info_200704.php 社會服務◆報料熱線:2929 0000◆社會服務熱線:2990 8288◆蘋果日報慈善基金:2990 8688◆電郵:mailto:sservice@appledaily.com◆傳真:3711 2468◆網址: http://charity.appledaily.com.hk

精挑細味 籽想好食,即like「籽想好食」FB專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載