› 選擇地區
三藩市
紐約
洛杉磯
其他美國地區
香港 台灣 北美
 
2013年07月06日

Lonely Guide 1:Post Your Secrets

心理醫生說:「如果這個世界所有人都是善良的話,人不想有秘密;如果這世界只有快樂,根本沒有洩密的需要。」當然,這個世界沒有如果。近這兩個月在facebook上陸續出現不同的秘密專頁,讓大家發表秘密。當中有人百忙抽空當管理員,有人齋like唔post,有人瘋狂地說秘密。不同角色,如何看出不同觀點?如果你有秘密,誰會是你樹洞?不同洩密的方式,如何透露你的心理狀態?
記者:陳芷慧 攝影:潘志恆、陳永威、周旭文、伍慶泉、陳盛臣

Model:Amy S@Starz People

Secret Page秘密專頁

5月起,香港facebook開始流行一種秘密專頁。這些匿名貼文機制的秘密專頁其實先在美國流行,稱為confession page。然後再由本地中學、大專生引入香港,現在及至七十二行各行各業,各階層都有一個秘密群組。只要一個like就能成為會員,將「秘密」告訴群組管理員,再由管理員決定張貼與否。專頁上的「秘密」,大多是趣聞、最新資訊、表白、評論等內容。粗略估計,香港現時約有四百至五百個秘密群組,單是整合這些群組的「秘.com」便已收納三百多個。

整理員 食花生

在秘密專頁的潮流裏,很多人都抱着茶餘飯後食花生的態度,齋睇狂笑但不貼文。阿K可以說是這類人當中最用心的一位,利用公餘時間半夜製作網頁「秘.com」。整理、分類、集合全港約三百多個秘密專頁,就像一個秘密專頁的Google,進入其中,所有專頁秘密一覽無遺,毋須在facebook上逐個like。動力何在?「唔使錢就睇到好多真實的笑料同秘密,比電影裏作出嚟嘅笑話好笑好多。記得有一段來自空姐的貼文,佢問客人食乜嘢,客人答佢『我哋都係雞』。哈哈哈!」

不懂保護私隱

阿K,作為一個秘密專頁的整理員,同時又從事IT界,他看到的不單止是一大堆笑料,還看到香港人不是哀悼,反而是分享私隱的現象。「真係好奇怪!文章在網上被河蟹,即惹來狠狠的抨擊。相反,明知秘密專頁的管理員會先審批貼文才張貼,網客唔係指摘管理員的審批,而係求佢張貼自己的秘密。好多人冇諗過管理員好有可能係自己認識的人。曾經有一間學校的秘密專頁,管理員有一天來個終極一爆:『其實我就係XXX老師』。」阿K開設「秘.com」的其一原因,就是為了保護用家的私隱。「喺facebook,你要like咗嗰一個page,先可以睇到嗰個群組的貼文,全世界朋友都知道你like咗邊個group,從中除咗知道你的偏好,亦可知道你的母校、行業等資料。所以,我製作『秘.com』,毋須like就可以睇各個群組的貼文。」facebook本來就是創辦人Mark Zuckerberg用來對付前女友的復仇工具,根本不是用來擁抱私隱。阿K留意到facebook令現今香港年輕人更沒有保護私隱的概念。「你一出世,阿媽就幫你開個facebook賬戶,post晒你啲相分享,你點會識得咩叫私隱?」

管理員1:被港人激勵

香港人心聲、香港人Secrets、香港地笑話、DSE Secrets、家庭Secrets、戀愛Secrets、打工Secrets,兩個人管理七個秘密專頁,點撐?「開頭冇諗過開咁多個專頁。初時同朋友傾開,既然學生哥都咁多嘢講,香港人都應該有好多嘢爆,嗰晚開咗一個香港人secrets,頭三日已經過千個貼文。做咗管理員兩個月,令我睇多咗好多嘢。以前誤以為網上只有負面的文章。原來都有一班人會分享很多鼓勵性的貼文。呢個專頁會做幾耐唔知,做到冇人submit為止。但我相信有一群人需要這樣一個平台,讓他們分享自己的秘密,既然他們需要,我就會做好。」兩個人管理七個秘密專頁,放工半夜打開Google spreadsheet,每個貼文逐個複製貼上,這份工作會否吃力不討好,造成心理壓力?「一開始都感到有點吃力,但現在都享受這份工作。負面的貼文當然有,但影響我最深的是那些勵志、感人的故事,臨睡前一讀,感覺舒服。曾經有些母親借助秘密專頁,希望尋找因小吵而失去聯絡多年的兒子,睇到我眼濕濕。」

管理員2:別毀校譽

香港秘密專頁的流行,是由大專生牽起整個潮流。每間大專院校的秘密專頁都有不同的管治方式,在乎管理員如何看待自己角色的責任。BU Secrets的管治方式與其他大專院校特別不同,強調內容會審批,這個是管理員的原則。管理員:「原本我只係post secret,但那時管理員問我想唔想接手。初時只係just for fun,但後來成為管理員之後,覺得自己有一個責任管理好群組內的貼文,不能破壞校譽。例如有人會人身攻擊教職員,我就要睇對方有冇理據,亦要考慮被攻擊者的私隱,會唔會構成誹謗。曾經有一個網客很討厭浸大,經常說負面言論,於是我在專頁上留言,讓大家投票將他列入黑名單與否。我覺得秘密專頁管理員只是擔當中介人的角色,唔能夠張貼太多自己的意見,亦唔能夠決定留言者與其貼文的生死。做管理員有一定的壓力,曾經想貼文解釋自己審批貼文的原則,但後來考慮到彼此的罵戰有可能發生卻取消這個念頭。呢個世界上唔能夠令每個人都欣賞你所作,但自己則要定好審批貼文的原則,我會做好呢個工作,唔想BU Secrets係各大專的秘密專頁中第一個死亡。」

名校生:我好孤獨

網上洩密者可能嚴重缺乏正常溝通和溝通對象,而正在建立社交圈子的年輕人,經常面對與人溝通的困難。以「告白」一類的專頁為例,當中最踴躍的當然是中學生。小記半夜跟「名校告白」的管理員談心,想了解他為甚麼要匿名留言,而非跟朋友分享?管理員今年讀中四,原本在名校secrets上留言,眼看太多同學仔留言告白,倒不如開一個告白專頁。但說到尾,他們感覺孤獨。

「我覺得secret group提供咗一個平台畀人分享學校嘅趣事同埋表白。」
「現實中表白唔好咩?平時現實生活中冇渠道分享?」
「其實應該話有時候,有啲人需要勇氣。」
「喺secret group唔需要勇氣?」
「secret group另一個好處就係匿名,令人比較安心把心底話講出來。」
「你多和朋友分享心底話嗎?朋友之間不能互相信任,以致要匿名網上貼文?」
「其實我唔多同朋友分享。主要因為試過俾夥伴出賣,令我好難相信人。其實今時今日對差唔多所有人,包括父母都會提防。性格使然,只有相信自己,所以,近年來我覺得好孤獨。」
「那你覺得現實生活跟朋友分享,與網上分享嘅感覺有咩唔同?」
「現實分享和網上最大不同就係身份問題,身份令到人講嘢嘅責任唔同。現實生活中跟朋友可以分享得更具體,但說話時又不能得失他人,但網上匿名留言就避免呢個問題。相反,網上秘密貼文不能描述太詳細,否則身份易被識穿,始終我們都背着名校身份,不能亂說話。」

傳媒人:直接鬧仲爽

七十二行都有自己行業的專頁,不但能讓一眾打工仔不畏強權發表心聲,亦讓同行能更關注自己的行業,實在是秘密專頁中不能缺少的一類。但是,有些人仍然選擇只like,唔post,何解?「因為我會直接鬧佢!」資深傳媒人阿彬直截了當地說。「不過,唔係所有傳媒公司,好似啲左報、北角財經報咁,都有渠道讓自己員工發聲,這些匿名貼文機制就成為了他們的發聲平台,講完唔會畀人秋後算賬。你有冇發覺傳媒Secrets好少《蘋果日報》的人留言,因為公司有民主牆畀你發表意見,點講都得。」彬言。資深記者就會知道,九十年代曾經出現過網上小圈子的news group,形式類似討論區,但是少了一個管理員,大部份言論都具攻擊性。「我留意呢個傳媒Secrets,因為我關心呢個行業,可以了解到唔同公司的文化問題。喺呢個群組,你會睇到管理員絕對係一個受過文字訓練的傳媒工作者,經審批後張貼出來的文章都是有啟發性的。」一個好的管理員好重要,單看廣告人Secrets,因為秘密中經常提及廣告客戶,6月22日起已經停辦了。

化妝及髮型:Wasabi and Winnie@Kings Makeup 服裝:日喜婚紗禮服公司

有料放?想收料?入嚟【蘋果互動】啦!
【蘋果互動】是蘋果日報與讀者緊密互動、放料及收料的聚腳地。
http://fb.com/AppleDailyExchange

精挑細味 籽想好食,即like「籽想好食」FB專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載