› 選擇地區
三藩市
紐約
洛杉磯
其他美國地區
香港 台灣 北美
 
2015年10月27日

【打工正能量】瞓得好效率高 職場達人六個好習慣

千祈咪因為公司瞓得特別好,喺屋企就唔瞓覺呀! (網上圖片)

是咁的。喺好耐好耐好耐以前,有個人朝早上班快手快腳寫完三個報告之後不幸給老細發現了他特別有效率,下午竟要多做四個報告,這個人本已天天捱更抵夜,瞓覺都攬實部手機驚有急事搵佢,但由於佢唔夠瞓,最後都係等唔切發叔……死咗。

別以為瞓少啲就可以提升產量,專家話全錯。生產力高的人都有六個瞓覺好習慣,唔使死之餘仲可提升效率,寫佢十個報告不特止,甚至很聰明地以一個報告代替十個,唔使好似啲白痴鉛水報告咁分開幾十個嚟寫,一於大番你老細轉頭。

1.不要鬧鐘
你有沒有發現,有時候你不用鬧鐘,好神奇地好準時地在7:30am就起床,你甚至會問自己,如果上班都是這樣,不是很好嗎?這個不是神蹟,美國West Virginia大學睡眠研究所的Dr. Hawley Montgomery Downs博士指出,能夠不用鬧鐘自動起床就是夠瞓的表現。

2.是質不是量,stupid!
如果你身體有毛病,整晚在床上左拎右拎,瞓着咗隻腳又抽筋,那任你瞓八個、九個、甚至十個小時都冇用。如果有睡眠窒息症的就更加可大可小,請盡快向醫生求救,因為大家都希望自己健康又長壽。

3.準時上床
準時上床很重要,讓身體的生理時鐘變得有規律,如果晚晚不定時,昨晚早了,今晚又諗住可以夜啲打多陣機,那生理時鐘就會好亂,好似jet lag咁,應該精神時就好攰好想瞓覺,要瞓覺時就鬼打都冇咁精神。準時是易說難做,但如能夠做到,包保你天天精力旺盛,開會都醒神啲。

4.小睡片刻
我知,這是可遇而不可求的福利。不過過去實在有太多的研究指出,能夠小睡廿分鐘真是可以醒神百倍,不過Montgomery Downs博士就解釋,最理想還是睡足一小時。這個不難,我就用午飯的時間瞓覺好了,可是我的午飯要怎麼辦……

5.上床前二不喝
第一是酒,不是喝了睡不着的問題,而是會打擾你的REM(Rapid Eye Movement) 睡眠期,我們由醒至沉睡,都要經過REM睡眠期,如果這裏出了亂子,你的記憶和學習力就會受到影響。其次是咖啡因,你說你喝了奶茶咖啡都睡得好好,那你大概是天賦異稟有過人之長,因為有研究指出,睡前六小時內喝含咖啡因飲料,一樣會打亂你瞓覺的質素。

6.唔好攬住個手機瞓
由於很多人未有老公老婆,所以會攬住個手機就當係有。不過,無論是電視、電腦還是手機屏幕的光源,據悉都會打擾你的生理時鐘。但假如你說你on call 48小時,驚老細或個大客隨時急call,不得不攬住個手機瞓 ,又或是……土地的問題,那我就真的幫你唔到。

資料來源:Fast Company

記者:陳以恒

精挑細味 籽想好食,即like「籽想好食」FB專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載