› 選擇地區
三藩市
紐約
洛杉磯
其他美國地區
香港 台灣 北美
 
2016年06月05日

【奇聞】國際打老細日 詠春泰拳攻防戰

人人都有個夢。做到仆×燥底之時,老闆的一言一語,總會牽動神經,拳頭都硬埋,寶寶好想兜面打鑊佢,只是寶寶不說。

網上已有大量打鑊老闆的FF Game,外國有網民卻索性在網上自設National Punch your Boss in the Face Day,6月5日將FF化成真,老闆suppose冇得追究!伍簣立師傅習詠春及泰拳多年,教授大家如何抓緊機會,以詠春或泰拳,快而準打中老細面!

打工仔出拳錦囊:
1) 狹路相逢 用詠春
你在辦公室狹窄的partition、茶水間、樓梯口或者洗手間同老細狹路相逢,要用詠春。「中線理論」是詠春的最大特色。

2)隔住張枱 用泰拳
如果你們之間隔住一張枱或一張椅,空間又夠,用泰拳。泰拳無套路,但係出拳時要馬步、扭腰配合,扭腰一刻你的拳頭起碼推進多一個拳頭位,適合有點距離的攻擊。

老闆防禦錦囊:
咁嘅日子,做老闆嘅咪俾打工仔發洩媖開心媖囉。不過唔計較唔代表坐以待斃,你可以學──擋。
1) 狹窄空間 詠春御力
詠春的精粹是「借力打力」或者「御力」。如果他以右拳打來,你用右手右向左推開他前臂。他再以左手連擊,你可屈起左手,以左前臂往右推開他的拳,借力打力。

2) 反應鈍 泰拳擋
來者出拳快,未必來得及閃躲,泰拳的方法是以兩前臂垂直護臉。這是最快的反射動作。你眼明手夠快看見拳路,其實只要後彎腰一步,已可避過攻擊。

講完一大輪,好黑仔地,原來今年6月5日係星期日!!!好端端一個國際級大好機會就咁流失!返屋企瞓多陣好過。但係!辦公室人際間累積的壓力同怒火豈有如此易消失?網上又有人發起統計,比起打老闆,更多人想兜巴刮醒「豬一樣的隊友同事」,所以每年10月23日,又有Slap your Co-Worker Day(掌摑同事日),每小時只可掌摑一位同事,真係乜都有得玩,到時我哋再研究媖點搞。不過,記者反轉個網都唔見有人真係喺今日打老闆,有乜事責任自負(攤手)。搞咁耐或者可改名為國際FF日(International Punch Your Boss in the Face FF Day)。你又會FF媖邊個呢?

記者:陳慧敏、李聰

精挑細味 籽想好食,即like「籽想好食」FB專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載