› 選擇地區
三藩市
紐約
洛杉磯
其他美國地區
香港 台灣 北美
 
2016年10月19日

【家長盲搶膠】唯一不含塑化劑擦膠 施德樓Mars教協存貨一掃空

每次消委會check嘢,巿民都提心吊膽,今次輪到每個小朋友都一定有嘅擦紙膠喇!消委會以台灣做標準,檢測咗市面上25款擦膠,發現超過一半樣本所含的塑化劑超標,於是提醒家長唔好畀小朋友咬、舔或者吮擦膠。

消委會檢測嘅25款擦膠當中,有一款完全沒有檢驗出塑化劑,就係施德樓Mars Plastic Eraser白色擦膠。消息一出,巿面上嘅深藍Mars擦膠隨即被搶購一空!查實施德樓的Radar型號喺塑化劑超標名單中亦榜上有名。

讀者沈太見到新聞,今日(18日)就立即去到油麻地教協,見到文具架啲施德樓Mars擦膠冇晒,問問職員,發現入咗嘅幾百嚿一朝被買清,最後死搵難搵先喺倉底搵到兩粒畀佢咁話!

家長緊張都理解嘅,但係其實只要教好小朋友唔好食擦膠已經冇問題;仲有,就係寫少啲錯字,咪可以用少啲擦膠囉。

記者:容慧心

精挑細味 籽想好食,即like「籽想好食」FB專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載