蘋果日報 | APPLE DAILY
› 選擇地區
三藩市
紐約
洛杉磯
其他美國地區
2017年01月02日
馬上成為壹會員

【動畫●趣味哲學】幾十億起西九故官?首個線上哲學樂園上線啦!

攞幾十億去西九起故官?計我話起番個哲學樂園,推「思考」為全民運動,活腦長知識,仲實際!

相關新聞:【哲學2】哲學研究生開page普及哲學 分難度一星至五星寫文章

香港有大大個Disneyland(香港迪士尼樂園),有網民爆笑惡搞的Buddhaland(香港釋迦牟尼樂園),點解唔可以有介紹哲學的Philoland?呢個哲學主題樂園概念,由一班哲學系研究生構思,他們在Facebook開設哲學普及專頁「好青年荼毒室」,早前開post講樂園設施,吸引過千人讚好,仲有大量留言提議添加其他設施,真係佩服佢哋嘅創作力量同幻想。

三大王牌機動遊戲及玩樂點,包括「特修斯海盜船」。如果一架海盜船由六十塊木板做成,每一秒換走一塊的話,一分鐘後,隻船仲係咪同一隻船呢?如果拆下的木板,起咗另一隻船,咁邊隻先係原本隻船呢?以後判斷「同一樣嘢」,不如停一停,諗一諗。

「永劫回歸旋轉木馬」原地轉又轉墮進風眼樂園,如果魔鬼同你講,你的人生好似木馬一樣無限loop,所有發生過嘅事再次發生,你又覺得點?呢個係尼采提出的思想實驗希望我哋反思人生係咪真係有意義?即使要重新過無限次,我哋都願意嗎?

「4D 孺子入井動感影院」內,銀幕有個細路4D立體咁彈出嚟,只差一點點就跌落去,孟子認為呢個moment,我哋嘅惻懚之心都會立體咁彈出嚟,會擔心佢出事,呢個最即時嘅反應顯示人性本善!

想了解其他玩樂設施,可以上去「好青年荼毒室」專頁,佢哋仲歡迎大家幫手擴充樂園。

記者:葉青霞

精挑細味 籽想好食,即like「籽想好食」FB專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載