› 選擇地區
三藩市
紐約
洛杉磯
其他美國地區
香港 台灣 北美
 
2017年01月06日

【平等共存】80後唔養寵物愛影街貓 想做鄰居多過做主人

有種鄰居總是神出鬼沒——屋簷上、街角口、巷弄間,時而隱身在叢木之中,時而躺平於陽光底下。你知道他們的存在,但未必會駐足細看。這些不甚起眼的鄰居,偏偏成為80後文樂平(阿平)鏡頭下的主角,「我覺得貓係一種好靚嘅生物,尤其眼睛。佢嘅眼睛,用現代化嘅數碼相機影完,番屋企放大嚟睇,你會見到佢眼入面仲有好多嘢,倒影見到好多景物。」

阿平是街貓攝影愛好者,2009年開始接觸攝影,因就讀的中文大學有不少流浪貓,便經常在午飯、放學時間拿着相機通山走,拍攝貓足跡。單單一處山頭當然容不下他。幾乎有街貓的地方,就有可能碰見這位背着紅色背嚢、文質彬彬的大男孩。他於3年前設立Facebook專頁「喵Hunt」,分享他走遍香港拍下的貓足跡。由初初着迷拍攝貓咪特寫,到後來被貓與環境、人的互動吸引,再配上有趣Caption,阿平的作品有故事、有溫度,還曾經贏得LENS攝影比賽,「盡量唔想做假場景,想用觀察嘅形式,保持一段距離,見到一種情境就記錄低。希望我嘅相除咗有貓之外,都有訊息可以帶出嚟,會有一個故事。即使唔係太明顯嘅故事,都希望將個故事講到出嚟。」

你以為愛影貓就一定愛養貓?其實不然,皆因阿平認為「飼養寵物」含有階級意味,「我比你更強,比你更有能力,所以我就可以養埋你咁,我自己唔太接受呢種諗法。我唔係反對人幫手領養流浪貓,我唔排除有咁嘅需要,但自己就唔想做呢個角色,寧願選擇同佢哋一齊住喺社區入面,做鄰居角色多過做主人。我想選擇一種平等嘅關係。」數年影貓生涯裏最令他印象深刻的,卻與另一拍攝街貓的專頁有關。該專頁專門拍攝某地區的貓,卻於一年半前突然停止更新。阿平後來到訪該區,發現當地已成為景點,不少人專程去看街貓,令他反思這是否專頁停止運作的原因,「心態上睇非壞事,但可能帶俾嗰度嘅貓好多滋擾,會提自己除咗做興趣之餘,要留意後果,唔好好心做壞事。」

怎樣才是與街貓共存的理想方式?阿平則認為是「佢有佢住佢搵食,我哋都有我哋住我哋搵食,唔會騷擾到大家存在。」很多人常投訴街貓四處出沒、叫嚷是騷擾,阿平卻反問,難道我們人類沒有對環境產生滋擾?「我哋一樣都做緊呢啲嘢,例如夜晚開燈咁,其他生物可能都要瞓覺架喎,但我哋因為自己喺度住,就不斷改變個環境。咁點解我哋唔可以都對其他喺度住嘅生物,有一個包容喺度呢?」

相關新聞:【另類拍法】改機玩紅外線毋須後製拍出港版櫻花樹

Facebook專頁:喵Hunt

記者:封愷瑜
攝影:徐振國、劉永發

精挑細味 籽想好食,即like「籽想好食」FB專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2020 AD Internet Limited. All rights reserved. 版權所有 不得轉載