› 選擇地區
三藩市
紐約
洛杉磯
其他美國地區
香港 台灣 北美
 
2017年02月06日

【港女在札幌:生活】公司包住包車費 「易儲錢過香港」

外國人在日本工作,公司的福利通常都不錯,會向外國員工提供住屋及交通津貼,香港人丁蓓在北海道札幌一家公司從事公關及市場推廣工作,她現時獨居的三百多呎單位,有廳、有房、有廚房、有小露台,一個人足夠有餘,屋租就是公司替她付的,只需要五萬多日圓(約三千多港元),香港完全不可能租到,就連平日坐車用的交通卡(類似香港的八達通),也是公司幫她充值。很多人眼中,日本是個高消費的地方,但丁蓓卻覺得日本物價較香港低,特別是食方面,「如果吃簡單的家庭料理、拉麵、湯咖喱都是(港幣)一百元樓下,香港現時一百元以下,除非食米線、雲吞麵,食唔到好食嘅食物,pasta都唔得,假設你對食有少少要求的話。日本生活上基本都一定搵到唔貴嘅嘢,當然最大誘惑係太多奢侈品,會忍唔住買嘢,但感覺上比香港易儲錢好多。」

相關新聞:【日女在旺角】日本工作多OT 寧願移居香港住劏房最愛食譚仔

平日消遣方面,她就覺得和香港差不多,都是食飯睇戲唱K,最令她不習慣的,反而是生活上的細節,例如丟垃圾,每天都要依照時間表去丟不同種類的垃圾,對香港人來說,的確需要時間適應。

她喜歡北海道,特別喜歡札幌,因為這裏能同時給她大自然和城市的感覺,「呢度揸一個鐘車已經可以去到大自然,可以去定山溪看紅葉、看櫻花、野餐,但香港揸一個鐘車可以去到邊吖?咪深圳囉,有乜做有乜玩呀?點解香港人咁鍾意去旅行,就係因為好難諗到有乜做。」

不過她強調,到異地工作,並非因為不喜歡香港這片成長地,「我仍然好掛住香港嘅屋企人同朋友,但我唔係因為唔鍾意香港而來日本,我仍然關心香港,都想香港變得更好,雖然每日睇政治新聞都會好嬲,香港再有更多唔好嘅事情,都始終係我出世嘅地方。」

記者:黃子配
攝影:梁志永

精挑細味 籽想好食,即like「籽想好食」FB專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載