蘋果日報 | APPLE DAILY
› 選擇地區
三藩市
紐約
洛杉磯
其他美國地區
2017年07月21日

【面試真人騷】見工千祈咪講try 英語答題唔好似背書

12,026

資深人事顧問、職場專欄作家張慧敏(Alison,人稱Son姐)笑說:「佢不斷話佢來試,真係好驚。」金融公司CEO、前JP Morgan執行董事葉耘開(Cliff)激動地說:「講咗好多次『試』,我身為僱主,點解要畀機會你來試呢?」

面試時老闆最怕聽到,偏偏好多求職者係咁講,一秒得罪對方都唔知,包括我哋見工真人騷的參加者Emily。二十分鐘面試,佢起碼「try」咗五次,聽到職場專家Son姐唔耐煩。「嘗試吓好呀,或者我會鍾意。」唉,少年,你太年輕了,你似為老闆聽到你咁講,就會冒你唔鍾意嘅險畀個offer你?Son姐說:「佢講咗三句,我就決定唔會請佢。」Son姐續稱:「佢似自問自答,而唔係同我哋有交流咁面試。佢做跳舞導師,啟發到啲乜,有好多嘢可以分享。我知道佢要份工,但點解係我呢份?點解我要請你?佢表達唔到,唔會搵到工。」Cliff認為面試完畢,對Emily印象模糊,覺得她無將過往經驗同職位要求連繫。

應屆畢業生嘉寶英文流利,準備十足,看來淡定,卻被兩位面試官評為「太多model answer」,表現不夠自然、真誠。Son姐說:「佢嘅眼神似不停喺database搵答案,好想估到點答先係你最想聽。」嘉寶面試期間更提及父母畀咗啲求職意見自己,實屬不智。Son姐說:「我有反問佢,使唔使返去問父母,打唔打呢份工。」面試尾聲,Cliff問嘉寶有無問題想問,佢就話自己前一晚諗咗好耐,最終問咗條似乎係為問而問嘅問題。Son姐建議:「應該問剛剛對答一啲你唔明白嘅地方,例如『回應你頭先條問題,你可唔可以講多啲?』咁證明你有聽,我會impressed。」
另一位求職者Nasper事前非常擔心全英語面試,最後竟然令兩位面試官相當驚喜,點解?明天開估。

記者:葉青霞

唔知Cover Letter啲英文寫得好唔好?免費幫你執靚佢
http://bit.ly/cv-proofread

對interview冇乜信心?嚟個免費模擬面試啦!
http://bit.ly/freemockinterview
寫CV令人頭都大埋?原則係中point、簡潔、整齊,讓人一目了然,很多私人資料都可刪去。

果然好玩,籽在四方,即like「果籽」FB專頁!
返回最頂
香港 台灣 私隱聲明 服務條款 刊登廣告 聯絡我們 招聘 訂閱版: 飲食男女|    Ketchup|    壹週刊
© 2017 AD Internet Limited. All rights reserved. 版權所有 不得轉載