› 選擇地區
三藩市
紐約
洛杉磯
其他美國地區
香港 台灣 北美
 
2017年11月27日

【地盤佬Upgrade】叫我鋼筋屈紮師 整埋app搵工更易

全新旅遊專頁,即like籽想旅行:https://fb.com/travel.appleseed

話說現在香港有45萬註冊建造業技術工人,95個不同工種。以現在735萬人口計,即每16個香港人就有一個是地盤中人了。然而當中約有46%工人已超過50歲,正陸續退休。所以,建造業近年努力宣傳,又辦好多比賽活動,如已經第五屆的建造業運動會,下個月又有首屆建造業機械操作比賽,令個行業感覺活潑些,新潮些,招兵買馬吸納新血。

相關新聞:【專題籽】退休地盤佬才華洋溢 作詩寫字抒發情懷

但只搞活動,成日訪問大專畢業生做地盤,事事向好,邊夠?市民仍然戴着有色眼鏡,覺得他們污髒、粗魯;同搭一部電梯會閃開;開工不足,日薪高都係冇前途,始終令人卻步,或者搵一陣錢就走。這個行業又好倚賴人脈,散工制日薪高些,但地盤間各自找蛇頭找工人,你識得人越多,才搵到工做。有些地盤開工不足,有些地盤又找不到工人,分配好不平均,收入不穩,年輕人就算頂得住辛苦,都頂不住吊鹽水。而且,四十年來從未化,為此,香港鋼筋屈紮業工商聯會副會長梁曙光正着手,想更新這個行業給人的印像,首先他要整個app:「類似叫call車乜乜的,誰想找工作,誰想找工人就登記,就立即可交收了,解決搵工同人手分配不均的問題。」

另外,還計劃申請改返個專業啲型啲嘅名,「唔好再叫我紮鐵佬,叫我鋼筋屈紮技術員,再做落去鋼筋屈紮師不好嗎?」讀完97日先招聘後培訓速成班中工畢業,起薪點日薪一千元左右,做兩三年日薪千四五,層層而上,「名就當然不重要啦,但畀他們知道不會一世做紮鐵,但可以一直升上去到管工,就看到前景。」

有紮鐵公司特意寫網頁、整apps拍片吸引觀眾,不便出鏡的騰建資訊網小編說,現在不上網簡直同社會脫節,上年紀的技工搵人人搭人,根本就搵唔到人。點做呢?專頁裏面沒有一味唱好,反而會搵工友做搞鬼訪問,訪問大陸朱,鬧爆開工不足苦況;任工友討論「地盤最恐怖的考驗,係臭到HiHi的廁所」;討論吓用「燒你數簿」、「請你好好放低」代替魚蝦蟹問候同業;又關心吓孤苦無依的地盤狗的故事,領養代替購買,毫不避諱,都係想大家好好了解地盤工作苦樂的一面,「即是好過盲目吹捧,地盤佬好偉大甚麼甚麼的。我想真相會比站在任何一邊更好。」

記者:陳慧敏
攝影:潘志恆

相關新聞:【地盤佬show quali】強勁臂彎 挑戰60kg!!!

精挑細味 籽想好食,即like「籽想好食」FB專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載